हेलिकप्टरमा दनदनी आगो दन्कियो, पाइलटको जलेको शरीरमा स्थानीयले चिसो हिलो दले (भिडियाे सहित)

२७ असोज । आज बिहान दुर्घटना भएको मनाङ एयरको हेलिकप्टर पुर्ण रुपमा जलेको छ । दुर्घटनास्थलबाट प्राप्त भिडियाेमा हेलिकप्टरमा दनदनी आगो दन्किएको देखिएकाे छ । 

Watch On

पाइलटको शरीर समेत जलेको देखिएको छ । उनले लगाएका लुगा जलेर केही ठाउँको मात्रै बाँकी छन् । स्थानीयले आगो लागेको हेलिकप्टरबाट बल्लबल्ल उम्किएका पाइलटको जलेको शरिरमा चिसो हिलो दलिदिएका दृश्यमा देखिएको छ । 

सोलुखुम्बुको लुक्लाबाट लोबुचे उडेको मनाङ एयरको हेलिकप्टर खुम्बुपासाङ ल्हामु गाउँपालिकाको लोबुचेमा अवतरणको क्रममा आज बिहान दुर्घटनाग्रस्त भएको थियो । 

दुर्घटनाहुनेवित्तिकै स्थानीयले पाइलटको उद्धार गरेका थिए । उक्त हेलिकप्टर पाइलट प्रकाशकुमार सेडाइले उडाएका थिए । उनलाई उद्धार गरी अहिले काठमाडौँको ह्याम्स अस्पतालमा लयाइएइको छ । उपचाररत पाइलट सेडाइ खतरामुक्त रहेको अस्पतालले जनाएको छ । लोबुचेको हेलिप्याड नजिकै दुर्घटनाग्रस्त हेलिकप्टरमा पाइलट सेडाइ मात्र थिए । 

दुर्घटनाग्रस्त हेलिकप्टरका पाइलटलाई  फिस्टेल एयरको हेलिकप्टरबाट उद्धार गरी उपचारका लागि काठमाडौँ ल्याइएको हो । उक्त हेलिकप्टर लुक्लामा सामान झारेर पर्यटक लिन लोबुचे उडेको थियो ।     

हेलिकप्टर के कारणले दुर्घटना भयो भन्नेबारे थप अनुसन्धानपछि मात्रै थाहा हुने प्राधिकरणले जनाएको छ । प्रारम्भिक जानकारीअनुसार हिमाली क्षेत्रमा तीव्र हावा चलेको र सोही हावाको बेगले अवतरणको क्रममा हेलिकप्टर दुर्घटना भएको हुनसक्ने अनुमान गरिएको छ ।