सबै कुरा

ट्रम्पको आदेशसँगै नेपालमा सञ्चालित थप सात कार्यक्रम रोकिएः अर्थ मन्त्रालय

सिधाकुरा

सोमबार, फागुन १२, २०८१

ट्रम्पको आदेशसँगै नेपालमा सञ्चालित थप सात कार्यक्रम रोकिएः अर्थ मन्त्रालय

काठमाडौं । नेपालमा अमेरिकी सहयोग नियोग (यूएसएआईडी) अन्तर्गत बजेट प्रणालीमार्फत सञ्चालन भइरहेका थप सात वटा कार्यक्रम रोकिएको अर्थ मन्त्रालयले जनाएको छ ।

Watch On

अमेरिकी राष्ट्रपति डोनाल्ड ट्रम्पको पछिल्लो निर्णयका कारण नेपालमा यूएसएआईडी मार्फत सञ्चालित यस्ता कार्यक्रमहरू रोकिएका हुन् । अर्थ मन्त्रालयले विज्ञप्ती जारी गर्दै भनेको छ,‘सरकारको बजेट प्रणालीमार्फत सञ्चालन भइरहेका शिक्षा, स्वास्थ्य, कृषि र तथ्यांकसँग सम्बन्धित चार वटा कार्यक्रमहरू ९० दिनका लागि रोकिएको जानकारी प्राप्त भएको छ ।

मन्त्रालयका अनुसार डजाइनको क्रममा रहेका जैविक विविधता, प्रदेश एवं स्थानीय शासन सुदृढीकरण कार्यक्रम र जलवायु उत्थानशील नगरपालिका सेवा कार्यक्रम गरी तीन वटा कार्यक्रमहरू पनि उक्त आदेशबाट रोकिएका छन् ।

मन्त्रालयका अनुसार डिजाइनको क्रममा रहेका उल्लेखित कार्यक्रमहरूको लागि भने सम्झौता नभइसकेको हुँदा कुनै सहयोग प्राप्त भएको थिएन । अमेरिकी सहयोग नियोग यूएसएआईडीबाट नेपालमा सन् १९५१ देखि निरन्तररुपमा अनुदान सहायता मार्फत विभिन्न कार्यक्रम सञ्चालन हुँदै आएका थिए ।

प्रकाशित मिति: सोमबार, फागुन १२, २०८१

प्रतिक्रिया दिनुहोस्