समाज

पछिल्लो ८ महिनामा नेपालीले फेसबुक तथा युट्युबबाट कमाए २ अर्ब बढी, विज्ञापनमा खर्चीए ७२ करोड

सिधाकुरा

शनिबार, चैत ३०, २०८१

पछिल्लो ८ महिनामा नेपालीले फेसबुक तथा युट्युबबाट कमाए २ अर्ब बढी, विज्ञापनमा खर्चीए ७२ करोड

काठमाडौँ । नेपालबाट सामाजिक सञ्जालमा अडियो तथा भिडियो सामग्री पोष्ट गरेर पछिल्लो आठ महिनामा मात्रै सवा दुई अर्ब रुपैयाँ नेपाल भित्रिएको छ ।

Watch On

नेपाल राष्ट्र ब्याङ्कका अनुसार गत साउनदेखि फागुन महिनासम्ममा यूट्युब, फेसबुक, टिकटकसहित डिजिटल मूभीुलगायत अडियो, भिडिओ र सम्बन्धित सेवाहरूबाट दुई अर्ब २३ करोड ७५ लाख रुपैयाँ आम्दानी भएको छ ।
ब्याङ्कको तथ्याङ्कअनुसार साउनयताका आठ महिनामा औसतमा मासिक रूपमा ३५ करोड रुपैयाँ नेपाल भित्रिने गरेको छ।

तर ति माध्यमा विज्ञापन तथा अन्य सेवाका लागि नेपालबाट आठ महिनामा ७२ करोड ७५ लाख बाहिरिएको राष्ट्र बैंकले जनाएको छ । राष्ट्र बैंकका अनुसार पछिल्लो आठ महिनामा नेपालले डिजिटल माध्यमा कन्टेन्ट पोष्ट गरेर कुल १ अर्ब ५१ करोड कमाएको छ ।
यस अघि पनि ठुलो रकम नेपालमा भित्रिने गरेको भएपनि राष्ट्र बैंकले भने अहिलेबाट मात्रै यसको विवरण अध्यावधिक गर्नलागेको जनाएको छ ।

गएको फागुन महिनामा मात्रै खास गरी यूट्यूब, फेसबुक र टिकटकलगायतका सामाजिक सञ्जालमा अडिओ–भिडिओबाट २५ करोड ४७ लाख रुपैयाँ भित्रिएको र पाँच करोड १३ लाख रुपैयाँ बाहिरिएको देखिन्छ। यसरी उक्त महिनामा २० करोड ३४ लाख रुपैयाँ नाफा भएको छ।

प्रकाशित मिति: शनिबार, चैत ३०, २०८१

प्रतिक्रिया दिनुहोस्