टी–२० विश्वकप एसिया क्षेत्र छनोट : नेपालले लियाे पाचौँ विकेट

आईसीसी टी–२० विश्वकप एसिया क्षेत्र छनोटअन्तर्गत सिंगापुरविरुद्ध नेपालले पाचौँ विकेट लिएको छ । 

Watch On

नेपालका तर्फबाट सन्दीप लामिछानेले १०.१ ओभरमा पाचौँ विकेट लिएका हुन्। उनले  जनक प्रकाशलाई आउट गराउँदै विकेट दिलाएका हुन् । जनक प्रकाशलाई सिंगापुरको राम्रो अलराउण्डरका रुपमा लिइएपनि उनले सन्दीपको गुग्लीलाई पिक गर्न नसक्दा आउट हुनुपरेको हो ।

टी–२० विश्वकप एसिया क्षेत्र छनोटअन्तर्गत सिंगापुरविरुद्ध नेपालका तर्फबाट करण केसीले पहिलो ओभरको दोस्रो बलमा नै ओपनर आरित्रा दत्तलाई बोल्ड आउट गरेर पहिलो विकेट लिएका थिए । 

त्यस्तै ६.५ओभरमा सन्दीप लामिछानेले सुरेन्द्रन चन्द्रमोहनलाई आउट गराउँदै दोस्रो विकेट लिएका थिए भने ७.१ ओभरमा गुल्सन झाको बलमा सन्दीप जोराले क्याच लिएर रोहन रेन्गाराजनलाई आउट गराउँदै नेपाललाई तेस्रो विकेट दिलाएका थिए । 

त्यस्तै गुल्सन झाले एकै ओभरमा अर्को विकेट दिलाउँदै चौथो विकेट लिएका थिए । उनले ७.५ ओभरमा चौथो विकेट दिलाएका थिए । 

टी–२० विश्वकप एसिया छनोटको पहिलो खेलअन्तर्गत त्रिवि क्रिकेट मैदान, कीर्तिपुरमा सिंगापुरले टस जितेर ब्याटिङ रोजेको थियो  । सिंगापुरका कप्तानले टस जितेर पहिला ब्याटिङ गर्ने निर्णय लिएका थिए।

समूह ‘ए’ अन्तर्गतको खेल कीर्तिपुरस्थित त्रिभुवन विश्वविद्यालयको क्रिकेट मैदानमा भइरहेको छ।

त्रिकोणात्मक सिरिजको फाइनल खेलेका टोलीको एक खेलाडी ललित राजवंशीको स्थानमा आज भने सन्दीप लामिछानेले खेलेका छन्

आगामी टी-२० विश्वकपका लागि एसियाली क्षेत्रको यो अन्तिम छनोट प्रतियोगिता हो । यो प्रतियोगिताबाट दुईवटा राष्ट्र आगामी टी-२० विश्वकपमा छनोट हुनेछन् । आईसीसी टी-२० विश्वकपको नवौँ संस्करण सन् २०२४ मा वेस्ट इन्डिज र अमेरिकाले संयुक्त रूपमा आयोजना हुँदैछ ।

नेपाल रहेको समूह ‘ए’ मा सिंगापुर, ओमान र मलेसिया छन्। समूह ‘बी’ मा यूएई, बहराइन, हङकङ र कुवेत छन्। समूहका शीर्ष २ टोलीले सेमिफाइनलमा स्थान बनाउने छन्।