राजावादी शक्ति बलियो छ भन्ने आधार के हो ?: नेपाली कांग्रेस

काठमाडौँ । नेपाली कांग्रेसका प्रमुख सचेतक श्यामकुमार घिमिरेले राजावादी शक्तिको आधारमाथि प्रश्न उठाएका छन् ।

Watch On

शुक्रबार बजेट अघिवेशनमा दलको प्रतिनिधित्व गर्दै बोलेका प्रमुख सचेतक घिमिरेले भर्खरै भएको उपनिर्वाचनमा र विद्यार्थी संगठनको निर्वाचनमा समेत विभिन्न दलले बलियो उपस्थिति देखाएको बताउँदै राजावादी शक्तिमाथि उनले प्रश्न गरेका हुन् । 

उनले राजावादी दल राप्रपाको विद्यार्थी संगठनले १ विद्यालयमा मात्रै स्ववियु निर्वाचन जितेको बताउँदै उनले राजावादीको जनमत शहर र ग्रामिण भेगमा समेत नरहेको बताए । ‘हालै भएको उपनिर्वाचनमा नेपाली कांग्रेस, नेकपा एमाले, नेकपा माओवादी केन्द्र, रास्वपा, मधेशवादी जस्ता परिवर्तनका पक्षधर दलहरुले नै नेपाली जनताको मत प्राप्त गरेको यथार्थ म स्मरण गराउन चाहान्छु । हालै भएको उपनिर्वाचनमा राजनीतिक दलहरु नै निर्वाचित भए । त्यतीमात्रै नभएर हालै भएको विद्यार्थी संगठनहरुको निर्वाचनमा पनि राजावादी दल राप्रपाको विद्यार्थी संगठनले ४२ विद्यार्थी पढ्ने एउटा मात्रै क्याम्पसमा निर्वाचन जित्यो ।’, प्रमुख सचेतक घिमिरेले भने, ‘न शहरी जनमत, न ग्रामिण जनमत, कुन आधारमा राजावादी शक्ति बलियो छ भनेर मान्ने ? यसको आधार के हो ?’

त्यस्तै उनले व्यवस्थाको चुनौती राजावादी शक्ति नभएको बताए । हालको व्यवस्थामा थुप्रै अधिकार उपभोग गरेका जनताले निरंकुशता वा दासत्वयुक्त शक्तिको पक्षपोषण नगर्ने समेत उनले बताए ।