प्रशासनद्वारा कटारी बजार अनुगमन

उदयपुर । जिल्ला प्रशासन कार्यालय उदयपुरले बजार अनुगमन गरेको छ । बजारमा अखाद्य वस्तु तथा म्याद गुर्जेका सामाग्रीहरु विक्री वितरण हुन सक्ने कुरालाई ध्यानमा राख्दै बजार अनुगमन गरिएको हो । 

ईलाका प्रशासन कार्यालय कटारीका अधिकृत डिल्ली मग्रातीको संयोजकत्वमा बजार अनुगमनको  गरिएको हो। अनुगमन टोलीमा ईलाका प्रशासन कार्यालय कटारी , जिल्ला प्रसाशन कार्यालय उदयपुर,घरेलु तथा साना उद्योग,
राष्ट्रिय अनुसंधान ,ईलाका प्रहरी कार्यालय , शसस्त्र प्रहरी वेश क्याम्प , कटारी नगरपालिका, खाद्य तथा गुण नियन्त्रकका प्रतिनिधिहरु रहेका थिए । 

कटारी वडा नम्बर ३ र ४ को बजार क्षेत्रमा आज गरिएको अनुगमका क्रममा ४ हजार भन्दा बढीको म्याद गुज्रेका तथा अखाद्य वस्तु भेटिएको संयोजक मग्रातीले बताए । 

मग्रातीका अनुसार उक्त सामाग्रीहरु बुधबार नष्ट गरिएको छ । बजारमा मसला ,सस, फेन्टा, मिरिन्डा, लगायतका विभिन्न म्याद गुज्रेका सामाग्री तथा अखाद्य वस्तुहरु फेला परेको थियो । त्यसैगरी करदाता कार्यालयले ३ वटा पसल लाई १२ हजार जरिवाना गरेको थियो ।

अनुगमन पछी बजारमा नियमित अनुगमन गरिने जानकारी दिंदै अधिकृत मग्रातीले म्याद गुर्जेका सामाग्री तथा अखाद्य वस्तु विक्रि वितरण नगर्न व्यापारीहरुलाई आग्रह गरेका थिए । त्यसैगरी म्याद हेरेर , मूल्यसूचि हेरेर मात्रै सामाग्री खरिद गर्न पनि मग्रातीले उपभोक्ताहरुलाई आग्रह गरे ।

अनुगमनका क्रममा नगरपालिकामा व्यवसाय दर्ता भएको नभएको , दर्ता नविकरण गरे नगरेको ,मूल्य सूची राखे नराखेको, आवश्यक कागजात भए नभएको पनि निरिक्षण गरिएको थियो।