नेभिगेशन
समाज

कटारीमा विपद् उद्धार अभ्यास तालिम सुरु

उदयपुर । विपद् व्यवस्थापनमा दक्षता अभिवृद्धि गर्ने उद्देश्यले कटारीमा पाँच दिने विपद् उद्धार अभ्यास तालिम सुरु भएको छ। सशस्त्र प्रहरी बल नेपाल नं. ५ गण  त्रियुगा उदयपुरले कटारी नगरपालिकाको सहकार्यमा तालिम संचालन गरेको हो।

सो तालिम सोमबार कटारी नगरपालिकाको सभाहलमा एक कार्यक्रमकाबीच सुरु गरिएको छ । तालिममा विपद् पूर्व तयारी, उद्धार प्रक्रिया, राहत व्यवस्थापन तथा समन्वय सम्बन्धी व्यावहारिक ज्ञान र अभ्यास गराइने सशस्त्र प्रहरी बेस क्याम्प कटारीका इन्चार्ज तथा इन्स्पेक्टर मेघराज राउतले जानकारी दिए। तालिम शुक्रवारसम्म सञ्चालन हुनेछ।

इन्स्पेक्टर राउतका अनुसार तालिममा नगर प्रहरी, कर्मचारी, नगर खेलकुद, साथी समुह समेत गरी २५ जना तालिममा सहभागी रहेका छन्। तालिमले नगरस्तरमा विपद् व्यवस्थापन तथा उद्धार क्षमतामा उल्लेखनीय सुधार ल्याउने विश्वास लिइएको छ।

कार्यक्रममा कटारी नगर प्रमुख राजेशचन्द्र श्रेष्ठ,प्रमुख जिल्ला अधिकारी  प्रेमप्रसाद लुइँटेल, नेपाली सेना पशुपति प्रसाद गणका प्रमुख सेनानी शिवप्रसाद वाग्ले, जिल्ला प्रहरी कार्यालय उदयपुरका प्रहरी उपरीक्षक हरिहरनाथ योगी, सशस्त्र प्रहरी बल नं. ५ गण त्रियुगा उदयपुरका गणपति सशस्त्र प्रहरी उपरीक्षक सुशिलकुमार शाही, राष्ट्रिय अनुसन्धान जिल्ला कार्यालय उदयपुरका उप–अनुसन्धान निर्देशक तुलसी कट्टेल, इलाका प्रशासन कार्यालय कटारी प्रमुख कोपिला राई, नगर प्रमुख प्रशासकीय अधिकृत राजन थापा, इलाका प्रहरी कार्यालय कटारीका प्रमुख प्रहरी नायब उपरीक्षक कमल बजगाईं, विपद् व्यवस्थापन समिति संयोजक तथा नगरकार्यपालिकाका सदस्य बेगबहादुर आले मगर, विभिन्न राजनीतिक दलका प्रतिनिधि र सरोकारवाला निकायको  उपस्थिति रहेको थियो।

कार्यक्रममा बोल्दै नगर प्रमुख श्रेष्ठले विपद्को सामना गर्न पूर्वतयारी आवश्यक रहेको भन्दै यस्तो तालिमले स्थानीय निकाय, सुरक्षा निकाय र समुदायबीच सहकार्य सुदृढ बनाउने बताए। प्रमुख जिल्ला अधिकारी लुइँटेलले विपद् व्यवस्थापनमा समन्वय र तत्परताको भूमिका अत्यन्त महत्वपूर्ण हुने बताउँदै अभ्यास र तयारीलाई प्राथमिकतामा राख्नुपर्नेमा जोड दिएका थिए।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
प्रधानसेनापति सिग्देल स्वदेश फिर्ता

प्रधानसेनापति सिग्देल स्वदेश फिर्ता

प्रधानसेनापति अशोकराज सिग्देल यही भदौ १० देखि १२ गतेसम्म थाई शाही सेनाको सहकार्यमा मित्रराष्ट्र अमेरिकी सेनाको ‘इन्डो–प्यासिफिक कमान्ड’द्वारा थाइल्यान्डको ‘हुअ हिन’ मा आयोजित ‘चिफ अफ डिफेन्स’ सम्मेलनमा भाग...
आजको मौसमः देशभर मध्यम वर्षाको सम्भावना

आजको मौसमः देशभर मध्यम वर्षाको सम्भावना

मौसम पूर्वानुमान महाशाखाका अनुसार आज दिउँसो देशभर साधारणतया बदली रहनेछ । कर्णाली र सुदूरपश्चिम प्रदेशको तराई र पहाडी भू–भागका केही स्थानहरूमा, बागमती र गण्डकी प्रदेशलगायत बाँकी पहाडी भू–भागका...
भूमिसम्बन्धी केही नेपाल ऐनलाई संशोधन गर्ने विधेयक पारित

भूमिसम्बन्धी केही नेपाल ऐनलाई संशोधन गर्ने विधेयक पारित

छलफलका क्रममा सांसदहरूले राखेको जिज्ञासाको जवाफ दिँदै मन्त्री अधिकारीले यो विधेयक देश र जनताको हितका खातिर ल्याइएको बताए । उनले विगतमा नमिलेका ऐन कानुनमा सुधार गरेर भूमिहीन दलित,...
उखु किसान र सरकारबीचको वार्ता निष्कर्षविहीन, आन्दोलनको स्वरुप परिवर्तन गर्ने चेतावनी

उखु किसान र सरकारबीचको वार्ता निष्कर्षविहीन, आन्दोलनको स्वरुप परिवर्तन गर्ने चेतावनी

शुक्रबार सिंहदरबारमा भएको वार्तामा कुनै सहमति हुन नसकेको उखु किसान संघर्ष समितिका प्रवक्ता उमेशचन्द्र यादवले जानकारी दिएका छन् । वार्तामा कृषिमन्त्री रामनाथ अधिकारीले केहि दिन आन्दोलनका कार्यक्रम रोक्न...