काठमाडौँ । सरकारले आर्थिका वर्ष २०८२/८३ को लागि बजेट प्रस्तुत गरेदेखि नै आन्दोलनमा उत्रिएका सुनचाँदी व्यवसायीले अहिलेसम्म त्यसलाई निरन्तरता दिईरहेका छन् । आज पनि उनीहरु पसल बन्द गरेर सडकमा ओर्लिएका छन् । आज नेपाल सुनचाँदी रत्न तथा आभुषण महासंघ र नेपाल सुनचाँदी व्यवसायी महासंघले बुधबार ऱ्याली सहित कोणसभा कार्यक्रम गरे । 

उनीहरूले न्युरोड जुद्धशालिक बाट र्याली सुरू गरेर इन्द्रचोक, जनवहाल, असन, कमलाछी, विश्वज्योति, जमल, घण्टाघर, भद्रकाली, सहिद गेट, न्यूरोड गेट, जुद्धशालिक हुँदै पुरानो नगरपालिकामा कोणसभा गरेका थिए। 

सुनचाँदी गहनामा लगाइएको अनावश्यक विलासिता करको व्यवस्थाले यस व्यवसाय थप संकटमा परेको भन्दै फिर्ता लिन माग गर्दै उनीहरुले लामो समयदेखि आन्दोलित छन् । 

बजेटमा अव्यवहारिक र अनावश्यक रुपमा २ प्रतिशत विलासी करको व्यवस्था गरिएकाले यसलाई खारेज गर्नुपर्ने उनीहरुको भनाइ छ । सुनका गहनामा प्रयोग हुने बहुमूल्य पत्थर र हिरामा लागू गर्न खोजिएको १३ प्रतिशत मूल्य अभिवृद्धि कर (भ्याट) खारेज हुनुपर्ने उनीहरुको माग छ । 

व्यवसायीहरुले सुनमा लगाएतको कोटा प्रणााली खारेज गर्न समेत माग गरेका छन् । उक्त करको व्यवस्था लागु गर्दा आफूहरुको व्यवसाय धरासयी हुने व्यवसायीहरुको भनाइ छ । उनीहरुले उपभोक्ता कर्मचारी, कालिगड तथा व्यवसायी मैत्री ऐन तुरुन्त जारी गर्नुपर्ने माग राखेका छन् । 

विगत एक महिनादेखि निरन्तर आन्दोलनका रहेका व्यवसायीहरुले यसअघि केहि दिन सडक प्रदर्शन स्थगित गरेका थिए । तर आफुहरुको मागमा सरकार गम्भीर नभएको भन्दै नेपाल सुनचाँदी व्यवसायी तथा कालिगढ संघर्ष समितिले पुनः सडक आन्दोलन सुरु गरेका हुन् । उनीहरुले यो आन्दोलनलाई काठमाडौँ मात्रै नभएर देशब्यापी बनाएका छन् । तर राज्यले उनीहरुको माग सम्बोधनमा चासो नदिएको उनीहरुको आरोप छ ।