पूर्वन्यायाधीश बलराम केसीले गरे रवि लामिछानेमाथिको राजनीतिक प्रतिशोधविरुद्ध हस्ताक्षर

काठमाडौँ । राष्ट्रिय स्वतन्त्र पार्टीका सभापति रवि लामिछानेमाथिको राजनीतिक प्रतिशोधविरुद्ध पूर्व न्यायाधीश बलराम केसीले हास्ताक्षर गरेका छन् ।

Watch On

उनले आज दिउँसो रास्वपाको पार्टी कार्यालय वनस्थली पुगेर रविको पक्षमा हस्ताक्षर गरेका हुन् । 

हस्ताक्षरपछि सञचारकर्मीलाई प्रतिक्रिया दिदै उनले रास्वपा अल्टरनेटिभ पार्टी भएको भाग खोसिएपछि प्रहार भएको प्रतिक्रिया दिए । उनले सो क्रममा अदालतमाथि पनि प्रश्न गर्न सकिने बताए । ‘अदालतको आलोचना गर्न नहुने होइन । स्वस्थ आलोचना गर्नुपर्छ’, उनले भने । 

उनले रविमाथि चलेको मुद्दामै केही खेल देखेको बताए । उनले रविमाथि बद्नियपूर्ण मुद्दा चलाइएको आधार समेत दिए । मिडियामा आफ्नो आुमतिबिना जाहेरीमा नाम उल्लेख भएको विषय त्यसको आधार भएको उनले बताए । 
 

आजै चर्चित अभिनेत्री मनिषा कोइरालाले पनि रविविरुद्ध राज्यले अन्याय गरेको भन्दै हस्ताक्षर गरेकी थिइन् । 

रास्वपाले असार ७ गतेबाट देशब्यापी रुपमा हस्ताक्षर अभियान चलाएको छ । रवि लामिछानेमाथि राज्यले गरेको नियोजित आक्रमणविरुद्ध देश–विदेशमा रहेका नेपाली नागरिकको ऐक्यबद्धता प्रदर्शन गर्न, रवि लामिछाने विरुद्ध साँधिएको राजनीतिक प्रतिशोध र राज्यले उनीमाथि गरेको संगठित अपराधको तथ्यगत चिरफार गर्न, राजनीतिक पूर्वाग्रहका आधारमा गरिने अन्यायपूर्ण कारबाही, धरपकड वा चरित्रहत्याको सशक्त प्रतिवादका लागि जनमनोबल निर्माण गर्न र रवि लामिछानेविरुद्धको मुद्दा–मामिला नयाँ राजनीतिक शक्तिलाई निरुत्साहित गर्ने संस्थागत षड्यन्त्रको सुरुआत हो भन्ने सन्देश जनस्तरमा पु¥याउन हस्ताक्षर अभियान चलाएको रास्वपाले जनाएको छ ।