समाज

लुम्बिनी सरकारमा चौँथो पटक मन्त्री बनेका पाण्डेले लिए युवा तथा खेलकुदमन्त्रीको शपथ

सिधाकुरा

सोमबार, साउन १२, २०८२

लुम्बिनी सरकारमा चौँथो पटक मन्त्री बनेका पाण्डेले लिए युवा तथा खेलकुदमन्त्रीको शपथ

लुम्बिनी । लुम्बिनी प्रदेशमा नवनियुक्त युवा तथा खेलकुदमन्त्री सन्तोषकुमार पाण्डेले आज पद तथा गोपनीयताको शपथ ग्रहण लिएका छन् । प्रदेश प्रमुख कृष्णबहादुर घर्तीसमक्ष नवनियुक्त मन्त्री पाण्डेले पद तथा गोपनीयताको शपथ ग्रहण गरेका हुन् ।

Watch On

मुख्यमन्त्री चेतनारायण आचार्य, पूर्वमुख्यमन्त्री डिल्लीबहादुर चौधरी, प्रदेशका मन्त्री तथा उच्चपदस्थ पदाधिकारीहरुको उपस्थितिमा मन्त्री पाण्डेले प्रदेश प्रमुखको कार्यालय बुटवलमा आज शपथ ग्रहण गरेका हुन् ।

लुम्बिनीका मुख्यमन्त्री चेतनारायण आचार्यले आइतबार मन्त्रिपरिषद् विस्तार गरेका हुन् । खाली रहेको युवा तथा खेलकुदमन्त्रीमा लोसपाका संसदीय दलका नेता पाण्डेलाई नियुक्त गरेका हुन् ।

प्रदेशमै चौँथो पटक मन्त्री बने पाण्डे
आज युवा तथा खेलकुद मन्त्री बनेका पाण्डेय प्रदेश सरकारमा चौथोपटक मन्त्री बनेका हुन् । रूपन्देहीको भैरहवामा निवासी उनी लुम्बिनी प्रदेश बनेका ५ वटा सरकार मध्ये ४ वटामा मन्त्री बनेका छन् । उनी यसअघि पाण्डे यसअघि आन्तरिक मामिला तथा कानुनमन्त्री बनेका थिए ।

पहिलो पटक २०७४ सालमा लुम्बिनी प्रदेशको रुपन्देही क्षेत्र नं। ३(१)बाट प्रदेशसभा सदस्यमा निर्वाचित भएका थिए । उनी २०७९ सालको निर्वाचनमा पनि सोही क्षेत्रबाट दोस्रो कार्यकालका लागि विजयी भएका थिए ।

प्रकाशित मिति: सोमबार, साउन १२, २०८२

प्रतिक्रिया दिनुहोस्