‘नाडा अटो शो’ भदौ ३ गतेदेखि, नेपालमै पहिलो पटक उड्ने कार प्रस्तुत गर्दै

काठमाडौँ । नेपालको अटोमोटिभ क्षेत्रको प्रतिष्ठित प्रदर्शनी 'नाडा अटो शो २०२५' यही भदौ ३ गतेदेखि ८ गतेसम्म काठमाडौँको भृकुटीमण्डपमा हुने भएको छ । नाडा अटोमोबाइल्स एशोसिएसन अफ नेपालले आयोजना कार्यक्रमको उद्घाटन नेपाल सरकारका उपप्रधानमन्त्री तथा अर्थमन्त्री विष्णु प्रसाद पौडेलले गर्नेछन् । 

Watch On

यो केवल प्रदर्शनी मात्र नभई, नेपालको दिगो, स्मार्ट र भविष्यमुखी मोबिलिटी को प्रतिबिम्ब हुने दावी गरिएकाे छ । “Go For More” भन्ने नारासहित आयोजना हुने यस वर्षको शोले नवीनतम प्रविधि, ग्राहक संलग्नता र अटो क्षेत्रको सम्पूर्ण पारिस्थितिकी तन्त्रलाई एकै छानामुनि ल्याउने आयाेजकले बताएका छन् । 

नाडा अटो शो २०२५ मा स्वचालन र बुद्धिमत्ताको नयाँ युगको प्रतीकस्वरूप UNITREE चारपांग्रे रोबोटहरू प्रस्तुत गरिनेछ । त्यस्तै भविष्यको शहरी हवाई मोबिलिटीको पहिलो झलककाे रुपमा Deepal eVTOL UAV प्रस्तुत गर्ने बताइएकाे छ । यसका अतिरिक्त१९ वटा चारपांग्रे ब्रान्डहरू,   १३ वटा हल्का व्यावसायिक सवारी साधन ब्रान्डहरू,  ४ वटा दुईपांग्रे सवारी ब्रान्डहरू, ३५ कम्पनीहरू (ल्युब्रिकेन्ट, टायर, ब्याट्री, ग्यारेज उपकरण र वित्तीय संस्थाहरू), १२५ भन्दा बढी प्रदर्शकहरू सहभागी हुनेछन् । शाे मा  १ लाखभन्दा बढी आगन्तुकको अपेक्षा गरिएकाे छ । 

३ लाख वर्गफुट क्षेत्रफल र १,६२,५०० वर्गफुट प्रदर्शनी क्षेत्र सहित यो नेपालको अहिलेसम्मकै सबैभन्दा ठूलो अटो शो हुने बताइएकाे छ । 

प्रदर्शनीमा चारपांग्रे, दुईपांग्रे, व्यावसायिक सवारी, अटो पार्ट्स, वित्तीय सेवा आदिलाई भिन्दै जाेन तयार गरिने बताइएकाे छ । तय्तै प्रि टिकट प्रि-बुकिङ, सञ्चारकर्मीहरूको समन्वयका लागि मिडिया डेस्क, महानगरीय ट्राफिक प्रहरी साझेदारीमा ट्राफिक सूचना डेस्क तथा आपतकालीन स्वास्थ्य टोली, सुरक्षा निगरानी, आगो नियन्त्रणकाे व्यवस्था गरिएकाे छ । 

प्रमुख आकर्षणहरू

• विन्टेज मोटर शो — ऐतिहासिक सवारी साधनहरूको प्रदर्शन:
• Morris Minor
• Fiat
• Peugeot
• Beetle
• Mini Cooper
• Toyota RT
• Mercedes Benz
• Toyota RT40
• VW Bus
• Toyota Corolla
• Mazda Familia
• Toyota MR2
• Made in Nepal Pavilion — स्वदेशमै निर्माण भएका सवारी तथा पार्ट्सको प्रदर्शनी
• International Business Pavilion — अन्तर्राष्ट्रिय लगानी र सहकार्य प्रवर्द्धन गर्ने थलो
• सेमिनार, कार्यशाला, अन्तरक्रिया — ईभी, स्मार्ट मोबिलिटी र दिगोपनमा केन्द्रित
• दैनिक भाग्यशाली विजेता घोषणा — एक वर्षसम्म निःशुल्क ल्युब्रिकेन्ट सेवा (Nepal Lube Oil Ltd. द्वारा प्रायोजित)