समाज

भैरहवा कारागार रविका लागि सुरक्षाका दृष्टिले उपयुक्त छैन्ः राप्रपा अध्यक्ष राजेन्द्र लिङदेन

सिधाकुरा

बुधबार, साउन २८, २०८२

भैरहवा कारागार रविका लागि सुरक्षाका दृष्टिले उपयुक्त छैन्ः राप्रपा अध्यक्ष राजेन्द्र लिङदेन

राष्ट्रिय प्रजातन्त्र पार्टीका अध्यक्ष राजेन्द्र लिङदेनले पूर्वगृहमन्त्री एवं रास्वपा सभापति लामिछानेलाई राखिएको भैरहवा कारागार सुरक्षाका हिसाबले उपयुक्त नरहेको बताएका छन् ।

Watch On

भैरहवा कारागारमा पुगेर लामिछानेलाई मंगलबार भेटेपछि उनले यस्तो प्रतिक्रिया दिएका हुुन् । उनले गृहमन्त्री रमेश लेखकलाई रविको कारागार स्थानान्तरण नरोक्न पनि आग्रह गरे । लामिछाने गत चैत २५ देखि जिल्ला कारगार भैरहवामा थुनामा छन् ।

पार्टीको चुनाव लक्षित कार्यक्रममा सहभागी हुन भैरहवा आएका लिङ्देनले कारागार पुगेर लामिछानेलाई मंगलबार भेट गरेका थिए । ‘सुविधा र सुरक्षा दुवै दृष्टिकोणले यो कारागार रविजीका लागि उपयुक्त छैन्,’ उनले भने ‘उहाँलाई काठमाडौँ सरुवा गर्न गृहमन्त्री रमेश लेखकको ध्यानाकर्षण गराउँदछु ।’

देशको एउटा महत्वपूर्ण पार्टीको सभापतिलाई थुनामा राख्दा सामान्यतया आफूले रोजेको कारागारमा बस्न दिनुपर्ने न्यूनतम सुविधाबाट पनि सरकारले वञ्चित गरेको देख्दा दुःख लागेको लिङदेनले बताए। लामिछानेले कारागार सरुवाका लागि दिएको निवेदनमा अदालतले स्थानान्तरण गर्न आदेश दिएको छ तर गृह मन्त्री रमेश लेखकले त्यसलाई टारिरहेका छन्।

प्रकाशित मिति: बुधबार, साउन २८, २०८२

प्रतिक्रिया दिनुहोस्