‘नाडा अटो शो २०२५’मा दौरा सुरुवाल लगाएकाे रोवोट (तस्विरहरु)

काठमाडाैँ । नेपालको अटोमोटिभ क्षेत्रको प्रतिष्ठित प्रदर्शनी ‘नाडा अटो शो २०२५’ सुरु भएको छ । आज प्रधानमन्त्री केपी शर्मा ओलीले शो को उद्घाटन गरेका हुन् । उद्घाटन कार्यक्रममा रोबोट पनि प्रदर्शन गरिएको छ । दौरा सुरुवाल लगाएर राखिएको रोवोटले धेरैको ध्यान खिचेको छ ।  शाे ८ गतेसम्म काठमाडौँको भृकुटीमण्डपमा हुने छ ।

Watch On

नाडा अटोमोबाइल्स एशोसिएसन अफ नेपालले आयोजना गरेकाे शाेमा नाडा अटो शो २०२५ मा स्वचालन र बुद्धिमत्ताको नयाँ युगको प्रतीकस्वरूप UNITREE चारपांग्रे रोबोटहरू प्रस्तुत हुँदैछन् । त्यस्तै भविष्यको शहरी हवाई मोबिलिटीको पहिलो झलककाे रुपमा Deepal eVTOL UAV प्रस्तुत गरनेछ । यसका अतिरिक्त १९ वटा चारपांग्रे ब्रान्डहरू,   १३ वटा हल्का व्यावसायिक सवारी साधन ब्रान्डहरू,  ४ वटा दुईपांग्रे सवारी ब्रान्डहरू, ३५ कम्पनीहरू (ल्युब्रिकेन्ट, टायर, ब्याट्री, ग्यारेज उपकरण र वित्तीय संस्थाहरू), १२५ भन्दा बढी प्रदर्शकहरू सहभागी हुनेछन् । शाे मा  १ लाखभन्दा बढी आगन्तुकको अपेक्षा गरिएकाे छ । 

३ लाख वर्गफुट क्षेत्रफल र १,६२,५०० वर्गफुट प्रदर्शनी क्षेत्र सहित यो नेपालको अहिलेसम्मकै सबैभन्दा ठूलो अटो शो हुने बताइएकाे छ । प्रदर्शनीमा चारपांग्रे, दुईपांग्रे, व्यावसायिक सवारी, अटो पार्ट्स, वित्तीय सेवा आदिलाई भिन्दै जाेन तयार गरिने बताइएकाे छ । तय्तै प्रि टिकट प्रि-बुकिङ, सञ्चारकर्मीहरूको समन्वयका लागि मिडिया डेस्क, महानगरीय ट्राफिक प्रहरी साझेदारीमा ट्राफिक सूचना डेस्क तथा आपतकालीन स्वास्थ्य टोली, सुरक्षा निगरानी, आगो नियन्त्रणकाे व्यवस्था गरिएकाे छ ।