मुख्य समाचार

जेनजी माथि गरेको दमनप्रति क्षमा माग्दै कृषी मन्त्री रामनाथले दिए राजीनामा

सिधाकुरा

मंगलबार, भदौ २४, २०८२

जेनजी माथि गरेको दमनप्रति क्षमा माग्दै कृषी मन्त्री रामनाथले दिए राजीनामा

काठमाडौँ । कृषिमन्त्री रामनाथ अधिकारीले आइतबार भएको जेनजी प्रदर्शनमा सरकारी दमनप्रति क्षमायाचना गर्दै पदबाट राजीनामा दिएका छन् ।

मन्त्री अधिकारीले आइतबारको आन्दोलनमा भएको दमन, हत्या र बल प्रयोगले तानाशाही व्यवस्थातर्फ उन्मुख भएको भन्दै उनले सो घटनाप्रति क्षमायाचना गर्दै राजीनामा दिएको बताएका छन् ।

राजिनामा दिदै उनले भनेका छन्, लोकतन्त्रमा प्रश्न सोध्नु र शान्तिपूर्ण विरोध गर्नु नागरिकको नैसर्गिक अधिकार भएको स्वीकार गर्नुको बदला व्यापक रूपमा भएको दमन, हत्या र बल प्रयोगले हामी लोकतन्त्रतर्फ नभई तानशाही व्यवस्थातर्फ उन्मुख भईरहेको हो कि भनी म झस्किएको छु । देश निर्माण गर्न सहकार्य गर्नु पर्ने पुस्तासँग कसरी युद्ध जस्तो व्यवहार हुन पुग्यो ? यसको जवाफ नखोजी सत्तामा बस्नु मेरा लागि सह्य भएन ।

स-साना कलिला छोराछोरीहरूको हत्या र दमनपश्चात देशलाई नै शोकाकूल पारेर सरकारमा बसिरहन मेरो नैतिकता र मेरो दलले मलाई प्रदान गरेको शिक्षाको खिलाफ हुने मेरो ब्रम्हले चेतावनी दिएको र मलाई मेरो पदीय जिम्मेवारीमा टाँसिइरहन अपराधबोध भएकोले देश र जनतासमक्ष नैतिक रूपमा क्षमायाचना गर्दै, सरकारको यो अलोकतान्त्रिक कदमप्रति आपत्ति जनाउँदै देश र जनतासमक्ष मन्त्री पदबाट राजीनामा पेश गरेको जानकारी गराउँदछु ।

प्रकाशित मिति: मंगलबार, भदौ २४, २०८२

प्रतिक्रिया दिनुहोस्