बुढानिलकण्ठको देउवा निवास भित्र तीन ओटा कोठाभरी पैसा थियो ?

काठमाडौँ । पाँच पटकका पूर्वप्रधानमन्त्री एवम् नेपाली काङ्ग्रेसका सभापति शेर बहादुर देउवा एवम् निवर्तमान परराष्ट्रमन्त्री आरजु राणा देउवाको बुढानीलकण्ठ निवासमा ठूलो मात्रमा नष्ट भएका नेपाली रकम फेला परेको छ । 

बुढानिलकण्ठ नगरपालिका १ मा रहेको उक्त निवासलाई जेनजी युवाहरूको समूहले मङ्गलबार आगजनी गरेको थियो । आगजनीका कारण पूर्ण रुपमा ध्वस्त बनेको घरबाट सुरक्षा कर्मीले मुस्किलले देउवा दम्पतीको घाइते अवस्थामा उद्धार गरेको थियो । 

मङ्गलबार दिउँसो लगाइएको आगो राति कम भएको र रातभर तथा बिहानै अपरिचित मानिसहरूले सो निवासबाट रकम र बहुमूल्य धातुहरू झिकेको सूचना टिकटकमा फेलापरेपछि सिधाकुरा बुधबार अपरान्ह ३ बजे रिपोटिङका लागि पुगेको थियो । 

नेपाली सेना र शसस्त्र प्रहरीको सुरक्षा घेरामा रहेको उक्त घरको अनुगमन गर्दा त्यहाँबाट लुटपाट भएको स्पष्ट देखिन्थ्यो । देउवा निवासको पहिलो तल्लाको प्यासेजको मध्य भागमा रहेको एक अण्डरग्राउण्ड खाडलबाट केही कुरा झिकेको स्पष्टै देखिन्थ्यो । माथिबाट खोल्न मिल्ने मिल्ने ढकनी रहेको उक्त खाडल सिधाकुराले हेर्दा खाली देखिन्थ्यो  र त्यहाँबाट झिकेको बालुवा बाहिर फालेको स्पष्टै देखिन्थ्यो ।   

यस्तै, उक्त निवासमा दक्षिणतर्फको चौरमा सेफ्टी ट्याङ्कीको छेउमा एउटा फुटाइएको कलर भेटिएको थियो । त्यो लकरमा के के थियो र ति कसले लगे भन्ने पनि स्पष्ट छैन् । देउवा निवासको पहिलो तल्लाको पश्चिम र दक्षिणतर्फका दुुई वटा कोठा र त्यसको बीचमा रहेको स साना दुई वटा साना कोठा र त्यहाँ नजिकै रहेका लकर तथा फलामका दराज सबै फेरिएका थिए । तर, जहाँ दराज फोरिएको छ त्यहाँको भुइँमा जलेको अवस्थामा नेपाली रुपैयाँ र अमेरिकी डलर प्रशस्त मात्रामा फेला परेका थिए ।

दुई वटा ठूला कोठा र दुई वटा साना कोठामा ८० प्रतिशतसम्म जलेको झण्डै नोटहरू सयौँका सङ्ख्यामा फेला परेका थिए । फल्ससिलिङ समेत जलेर भुइँमा झरेर ध्वस्त भएको उक्त कोठाहरूमा जलेको नोट मात्रै सङ्कलन गरेर हिसाब निकाल्ने हो भने त्यो लाखौँ पुग्न सक्छ । 

त्यहाँ जलेको अवस्थामा भेटिएको रकम नेपाली पाँच सय, एक हजार र अमेरिकी डलर एक सयका दरका रहेका छन् । सिधाकुराले भिडियो र फोटोमा  खिचेका तस्वीरहरू अनुसार २ वटा ५० रुपैयाँ र एउटा एक सय रुपैयाँको नोट जलेको अवस्थामा फेला परेको थियो । बाँकी सबै एक हजार र पाँच सयका नोटहरू थिए । 
यस्तै दक्षिणतर्फको अर्को एक कोठाको बार्दलीको कुन्नापट्टी भित्ता पनि फोरेर केही वस्तु निकालिएको फेटिएको छ । ति वस्तु के थिए रु कसले निकाले भन्ने खुुलको छैन् । 

विभिन्न सामाजिक सञ्जालमा भेटिएको फोटो तथा भिडियोहरुमा देउवाको घरको सुटकेश देखि रक्सीका बोत्तल समेत लिएर हिंडेको पाइएको थियो । 

बुढानीलकण्ठ क्षेत्रका स्थानीहरुले सिधाकुरासँग गरेको अनौपचारिक कुराकानी अनुसार देउवाको घरमा तीन ओटा कोठाभरी नेपाली र अमेरिकी डलर लुकाएर राखिएको थियो । 

यस्तै, फलामका दराज र लकरहरुमा सुन र हिरा तथा चाँदी जस्ता बहुमूल्य धातुहरू थिए । ति सबै मङ्गलबार दिउँसो घर जलाउनु अघि, सोहीदिन राति र बुधबार बिहान झिकिएको स्थानीयहरु बताउँछन् ।

‘बाहिर शसस्त्र प्रहरी र नेपाली सेना छन् तर भित्र आउन जान कसैलाई रोकतोक छैन्,’ ति स्थानीयले भने,‘यो त अब सरकारको सम्पत्ति हो नी । सरकारको राजश्व लुटेर जोडेको हो नी । यो त सरकारले संरक्षण गरेर अझै खोजतलास गरेर आफ्नो ढुकुटीमा लैजान पर्छ ।’ 

अर्का एक स्थानीयले भने करोडौँ रुपैयाँ मानिसले लगेको दाबी गरे । ‘के के लगे लगे कति लगे तर यहाँबाट आएका मानिसले धेरै कुरा लिएर गएका छन् । त्यो फिर्ता गरेर सरकारीकरण गरिनुपर्छ । ’