समाज

'जेनजीका मागमा पूर्ण समर्थन छ,संविधानबाटै समाधान निकालौँ': डा.शशांक कोइराला

सिधाकुरा

बिहीबार, भदौ २६, २०८२

'जेनजीका मागमा पूर्ण समर्थन छ,संविधानबाटै समाधान निकालौँ': डा.शशांक कोइराला

काठमाडौँ । नेपाली कांग्रेसका पूर्वमहामन्त्री डा.शशांक कोइरालाले जेनजीले उठाएका मागप्रति आफ्नो पूर्ण समर्थन रहेको भन्दै संविधान भित्रबाटै मागहरुको समाधान हुन सक्ने बताएका छन् । एक विज्ञप्ती जारी गर्दै डा कोइरालाले जेनजीका भ्रष्टाचार र बेथिति सम्बन्धी न्यायोचित मागहरू संविधानभित्रैबाट समाधान हुन सक्ने बताएका हुन् ।

Watch On

उनले भनेका छन्,'जेनजीको ‘भ्रष्टाचार र बेथिति’ सम्बन्धी न्यायोचित मागहरू वर्तमान संविधानभित्रै रहेर समाधान गर्न सकिनेमा मेरो दृढ विश्वास छ।'करिब ६५ वर्ष लामो राजनीतिक संघर्ष, त्याग, तपस्या र बलिदानको परिणामस्वरूप नेपालमा पहिलोपटक जननिर्वाचित संविधानसभाबाट निर्मित संविधानअनुसार आगामी राजनीतिक यात्रा तय गर्न अपिल गर्दछु,' डा शशांकले विज्ञप्तीमा भनेका छन् ।

डा.कोइरालाले भनेका छन्, ‘भ्रष्टाचार र बेथिति’ विरुद्ध जेनजी युवाहरूले उठाएको आवाजप्रति आफ्नो पूर्ण समर्थन जाहेर गरेका छन् । 'जहानीय राणा शासनदेखि नै नेपालको लोकतन्त्रका लागि संघर्षरत परिवार र नेपाली कांग्रेसको सदस्यको नाताले, म हरेक आन्दोलनको जायज र न्यायोचित माग लोकतान्त्रिक विधि र प्रक्रिया अनुसार समाधान हुनुपर्नेमा दृढ विश्वास राख्दछु' ।
यस्तो छ डा कोइरालाले जारी गरेको विज्ञप्तीः

546851700_1348065950221381_7354643490975171999_n-1757607227.jpg