अब मतदाता नामावलीमा नाम छुटेकाहरुले नाम दर्ता गर्न पाउने

बुधबार जारी भएको अध्यादेशले कानुन कमोजिम मतदात गर्न योग्यता पुगेकाहरुको नाम दर्ताका लागि बाटो खुल्याे

सिधाकुरा

बुधबार, असोज ८, २०८२

अब मतदाता नामावलीमा नाम छुटेकाहरुले नाम दर्ता गर्न पाउने

काठमाडौँ । यस अघि मतदाता नामावलीमामा नाम छुटेकाहरुले फागुन २१ कै निर्वाचनमा मत हाल्न पाउने गरी नाम दर्ता गर्न पाउने भएका छन् । राष्ट्रपति रामचन्द्र पौडेलले बुधबार मतदाता नामावली ऐन २०७३ लाई संशोधन गर्न बनेको अध्यादेश जारी गरेपछि मतदाता नामावली संकलनको अवरोध खुलेको छ ।

मतदाता नामावली ऐन २०७३ को दफा ४ को उपदफा २ को २ मा भएको व्यवस्था संशोधनका लागि अध्यादेश ल्याइएको हो । यस अघि ‘निर्वाचनको मिति घोषणा भइसकेपछि सो निर्वाचनको प्रयोजनका लागि मतदाता नामावलीमा नाम दर्ता गरिने छैन’ भन्ने व्यवस्था थियो । यो व्यवस्थाका कारण जेनजी आन्दोलनबाट सरकार नै फेरिएपछि, सोहि आन्दोलनमा सहभागी भएका मतदाताका लागि कानुनीरुपमा योग्य भएर पनि नामावलीमा नाम दर्ता नभएकाहरुको संख्या ठुलो थियो ।

तर अब भने बुधबार जारी भएको अध्यादेशले कानुन कमोजिम मतदात गर्न योग्यता पुगेकाहरुको नाम दर्ताका लागि बाटो खुलेको हो । मतदाता नामावलीमा नाम छुटेकाहरुले अब आफ्नो नाम दर्ता गराउन सक्नेछन् । निर्वाचन आयोगका अनुसार अब निर्वाचन आयोगले नामावली संकलगनका लागि मिति तोक्ने छ ।

प्रकाशित मिति: बुधबार, असोज ८, २०८२

प्रतिक्रिया दिनुहोस्