सरकारलाई स्वर्णिमको आग्रहः सहकारी छानबिन समितिले बुझाएको प्रतिवेदनको पाना नम्बर ४४९ फेरि पढिदिनुस्

काठमाडौँ । राष्ट्रिय स्वतन्त्र पार्टीका उपसभापति डा. स्वर्णिम वाग्लेले सहकारी सम्बन्धी संसदीय छानबिन समितिले बुझाएको प्रतिवेदनको पाना नम्बर ४४९ पढिदिन सरकारलाई आग्रह गरेका छन् । आज नख्खु कारागारमा रहेका सभापति रवि लामिछानेसँग भेटेर निस्केका उपसभापति डा. वाग्लेले वर्तमान सरकारले रविमाथि साँधिएको राजनीतिक प्रतिशोधको कोर्स करेक्सन गर्नुपर्ने बताएका हुन् । 

Watch On

‘संसदले पेश गरेको त्यस्तो प्रकृतिको छानबिन रिपोर्ट तयार भएको २, ३ घण्टामै क्याविनेटमा लगेर कारवाही गराएको ओली सरकारको नियतबारे अहिले आम जनातालाई छर्लङ्ग थाहा भईसकेको छ । ४० लाख हस्ताक्षरको प्रतिबिम्ब त्याहाँ पनि छ ।’ उनले भने, ‘त्यो प्रतिवेदनको पाना नम्बर ४४९ फेरि पढिदिन यो सरकारलाई आग्रह गरेका छौँ हामीले ।’ 

उनले सहकारी छानबिन समितिको प्रतिवेदनलाई क्याविनेटले पुनः रिभ्यू गर्नुपर्ने बताएका हुन् । ‘सहकारी छानबिन समितिको प्रतिवेदनलाई क्याविनेटले पुनः रिभ्यु गरोस् । यसलाई अनुसन्धान गर्नुपर्ने विन्दुमा कानुनी राय लिओस् । अदालतमा हामी इएटरफेयर गर्दैनौँ । हामी विधिको शासन मान्ने पार्टी हौँ । यद्यपी तपाई हामी सबैलाई थाहा छ, पछिल्ला केही दशकहरुमा न्यायालयमा भर्ती हुनुभएको मानिसहरु कसको गोजीको सिफरिसबाट भनेर ।’ वाग्लेले भने । 
उपसभापति डा. वाग्लेले प्रतिशोधको उद्गमस्थल तत्कालिन ओली क्याविनेट भएको बताएका छन् । तत्कालिन सरकारले दुरासय राखेर मुद्दा अगाडी बढाएको मुद्दामा पुर्नविचार हुनुपर्ने आफूहरुको आग्रह रहेको उनले बताए । 
उनले प्रधानमन्त्री कार्कीले पहिले दिएको अभिव्यक्ति सम्झाउँदै भने, ‘सम्माननीय प्रधानमन्त्री सुशीला कार्की स्वयंले भन्या होइन ? रविमाथि अन्याए भएको छ, यसरी ५/५ ओटा अदालत, तीन ओटा मुद्दा, तीन तहको अदालत समान्य मान्छे भएको भए त बौलाइसक्थ्यो भनेर ।’ 

उनले न्यायपालिका पनि अवाञ्छित राजनीतिक दवाबबाट अगाडी जान नहुने सुझाव दिएका छन् । सो क्रममा उनले वर्तमान सरकारको कार्यशैलीबारे पनि अभिव्यक्ति दिए । सुरुवाती दिनमा सरकालाई मान्यता दिने पहिलो दल भएको स्मरण गर्दै त्यतिबेलै यो सरकारले सुशासनको पक्षमा काम गर्दै प्रतिशोधको राजनीतिको अन्त्य गरेको प्रतयाभूति हुनुपर्ने, भदौ २३ र २४ को जवनफदेहिता पनि खोज्नुपर्ने, आर्थिक उन्नयनका विषयहरुमा सुधार गर्दै लैजानुपर्ने र भौतिक पूर्वाधारका विषयमा पनि केही नयाँ क्रमभंगता गर्नुपर्ने बताएको उल्लेख गरे । उनले भने, ‘हाम्रो सरकारप्रतिको सदासयता कायमै छ । तर सुरुमै राखेको विषयमा चाहीँ गति र लय अली मिलाउनुपर्छ है ।’