समाज

आफ्नो कार्यकालमा स्वास्थ्य क्षेत्रमा अधिकतम सुधारको प्रयास गर्नेः स्वास्थ्यमन्त्री शर्मा

सिधाकुरा

सोमबार, मंसिर १५, २०८२

आफ्नो कार्यकालमा स्वास्थ्य क्षेत्रमा अधिकतम सुधारको प्रयास गर्नेः स्वास्थ्यमन्त्री शर्मा

काठमाडौँ । स्वास्थ्य तथा जनसंख्यामन्त्री डा. सुधा शर्मा गौतमले आफ्नो छोटो कार्यकालमा स्वास्थ्य क्षेत्रमा अधिकतम सुधारको प्रयास गर्ने बताएकी छन् ।

Watch On

सोमबार मन्त्रालयमा बाजुरामा स्वास्थ्य क्षेत्रलाई प्रभावकारी बनाउनुपर्ने माग राख्दै ज्ञापन पत्र बुझाउन आएका युवाहरुसंगको छलफलका क्रममा मन्त्री गौतमले फागुनसम्ममा स्वास्थ्य क्षेत्रमा अधिकतम सुधारको प्रयास गर्ने बताएकी हुन । निर्वाचनको आचारसंहिता लागू हुनुभन्दा पहिलेनै छिटो रफ्तारमा काम गर्न आफुले मातहतका निकायलाई निर्देशन समेत दिएको उनले बताइन ।

मन्त्री गौतमले कैलालीको गेटास्थित सहिद दशरथ चन्द स्वास्थ्य विज्ञान विश्वविद्यालयमा मेडिकलको पढाइ सुरु गर्ने प्रयास भइरहेको भन्दै आवश्यक जनशक्ति प्रवन्धको तयारी भइरहेको जानकारी दिइन । उनले गेटामा आवश्यक स्रोत साधन उपलव्ध गराउन मन्त्रालय प्रतिवद्ध रहेको बताइन ।

त्यस्तै मन्त्री गौतमले बाजुरा जिल्ला अस्पताललाई सुदृढिकरण गर्न केन्द्रले आवश्यक सहजीकरण गर्ने उल्लेख गरिन । उनले सुदूरपश्चिम र कर्णालीलाई उच्च प्राथमिकतामा राखेर नयाँ सरकारले काम गरिरहेको जानकारी दिए ।

प्रकाशित मिति: सोमबार, मंसिर १५, २०८२

प्रतिक्रिया दिनुहोस्