फिफा विश्वकप २०२६ को ड्र सार्वजनिक, कुन देश कुन समूहमा ?

सन् २०२६ को जुनदेखि सुरू हुने फिफा विश्वकप २०२६ को ड्र सार्वजनिक भएको छ। अमेरिका, क्यानडा र मेक्सिकोमा हुने विश्वकप फुटबलका लागि शुक्रबार ड्र निकालिएको हो।

Watch On

यसपटकको विश्वकपमा पहिलो पटक ४८ देशले सहभागिता जनाउँदै छन्। ४८ मध्ये ६ टोलीको भने प्लेअफ खेलबाट  टुंगो लाग्नेछ। 

१२ वटा समूहमध्ये समूह ‘ए’, ‘बी’, ‘डी’, ‘एफ’, ‘आई’ र ‘के’ मा रहने एक-एक टिम प्लेअफबाट आउने छन्।

समूह ‘ए’मा युरोपियन प्लेअफ ‘डी’बाट डेनमार्क, उत्तरी म्यासेडोनिया, रिपब्लिक अफ आयरल्याण्ड र चेक रिपब्लिकबीचको विजेताले स्थान बनाउनेछ।

समूह ‘बी’मा युरोपियन प्लेअफ ‘ए’ बाट इटाली, नर्दन आयरल्याण्ड, वेल्स र बोसनिया हर्जगोभिनामध्ये एक टोली आउनेछ।

समूह ‘डी’मा युरोपियन प्लेअफ ‘सी’ बाट स्लोभाकिया, कोशोभो, टर्की र रोमानियामध्येको विजेता टिमले स्थान बनाउनेछ।

समूह ‘एफ’ मा युरोपियन प्लेअफ ‘बी’ युक्रेन, स्वीडेन, पोल्याण्ड र अल्बानियामध्येको विजेता टोलीले स्थान बनाउनेछ।

समूह आईमा फिफा प्लेअफ २ बाट बोलिभिया, सुरिनेम र इराकमध्ये एक टिम छानिनेछ।

समूह ‘के’मा फिफा प्लेअफ १ बाट न्यू क्यालेडोनिया, जमैका वा कंगोमध्ये एक टोलीले स्थान बनाउनेछ।

कुन देश कुन समूहमा परे?

समूह ‘ए’: मेक्सिको, दक्षिण अफ्रिका, दक्षिण कोरिया र युरोपेली प्ले अफ ‘डी’ विजेता

समूह ‘बी’: क्यानाडा, युरोपेली प्ले अफ ‘ए’ विजेता, कतार र स्विटजरल्यान्ड

समूह ‘सी’: ब्राजिल, मोरेक्को, हाइटी र स्टकल्यान्ड

समूह ‘डी’: अमेरिका, पाराग्वे, अस्ट्रेलिया, युरोपेली प्ले अफ ‘सी’ विजेता

समूह ‘ई’: जर्मनी, क्युरासाउ, आइभरीकोस्ट र इक्वेडर

समूह ‘एफ’: नेदरल्यान्ड्स, जापान, युरोपेली प्ले अफ ‘बी’ विजेता, ट्युनिसिया

समूह ‘जी’: बेल्जियम, इजिप्ट, इरान र न्युजिल्यान्ड

समूह ‘एच’: स्पेन, केप भार्डे, साउदी अरेबिया र उरुग्वे

समूह ‘आई’: फ्रान्स, सेनेगेल, प्ले अफ फिफा–टु विजेता र नर्वे

समूह ‘जे’: अर्जेन्टिना, अल्जेरिया, अस्ट्रिया र जोर्डन

समूह ‘के’: पोर्चुगल, प्ले अफ फिफा –वान, उज्वेकिस्तान र कोलम्बिया

समूह ‘एल’: इंग्ल्यान्ड, क्रोएसिया, घाना र पानामा

 

 

 

 

View this post on Instagram

 

 

 

 

 

 

 

 

 

 

 

A post shared by FIFA World Cup (@fifaworldcup)