एक सातामै प्रदीप अधिकारीविरुद्ध दाेस्राे भ्रष्टाचार मुद्दा

काठमाडौँ । नेपाल नागरिक उड्डयन प्राधिकरणका निलम्बित महानिर्देशक प्रदीप अधिकारीविरुद्ध दोस्रो भ्रष्टाचारको मुद्दा विशेष अदालत पुगेको छ । अख्तियार दुरुपयोग अनुसन्धान आयोगले पोखरा विमानस्थल भ्रष्टाचार प्रकरणमा संलग्नहरु विरुद्ध मुद्दा चलाउने निर्णय गरेको छ । त्यसमा अधिकारीलाई पनि प्रतिवादी बनाइएको छ । 

Watch On

पोखरा अन्तराष्ट्रिय विमानस्थलमा भएको भ्रष्टाचारमा अख्तियारले दिवंगत पूर्वपर्यटनमन्त्री पोष्टबहादुर बोगटीसहित ५ जना पूर्वमन्त्री र १० जना नेपाल सरकार पूर्वसचिवहरुलाई मुद्दा चलाउने निर्ण गरेको छ । पूर्वमन्त्रीहरुमा भीम आचार्य, रामकुमार श्रेष्ठ, दिपक अमात्य, रामशरण महत र पोष्टबहादुर बोगटी रहेका छन् । 

यस्तै, पूर्व सचिवहरुमा सर्वोच्च अदालतका पूर्व रजिष्ट्रार रामकृष्ण तिमल्सिनासहितका छन् ।  उनीहरु विरुद्ध ८ अर्ब रुपैयाँ विगो कायम गरेर मुद्दा चलाउने निर्णय भएको अख्तियारले जनाएको छ । 

यसअघि आयोगले भक्तपुरको नलिन्चोकमा हेलिप्याड निर्माणमा १३ करोड भ्रष्टाचार गरेको आरोपमा मुद्दा दायर गरेको थियो । 

निबर्तमान महानिर्देशक अधिकारी सहित थप ६ जनलाई पनि जनही १३ करोड ५७ लाख बिगो दाबी गर्दै भ्रष्टाचार मुद्दा दायर गरेको गरिएको थियो । 

क्यानका निर्देशक मुरारी भण्डारी, उपप्रबन्धक निर्देशक सम्वृद्धि श्रेष्ठ, प्रबन्धक नलविक्रम थापा, अभियन्त्र कन्सलटिङ प्रालि र सो प्रालिका प्रमुख बिजय थापा, निजी इन्जिनियर गुरुदत्त अधिकारीलाई प्रतिवादी कायम गरिएको थियो । 

यो सँगै अधिकारीविरुद्ध २ ओटा भ्रष्टाचारका मुद्दा भएका छन् ।