वर्तमान सरकारको ध्यान आगामी निर्वाचन र सुशासनमा केन्द्रित छ: मन्त्री खरेल

काठमाडौँ । सञ्चार तथा सूचना प्रविधि मन्त्री जगदीश खरेलले वर्तमान सरकारको ध्यान आगामी प्रतिनिधिसभाको निर्वाचन र सुशासनमा केन्द्रित  रहेको बताएका छन् ।

Watch On

आइतबार सिंहदरबारमा प्रेस काउन्सिल नेपालको अध्यक्षमा नियुक्त हुनुभएका डा.कुमार शर्मा आचार्यलाई नियुक्त पत्रका प्रदानका साथै शुभकामना व्यक्त गर्दै मन्त्री खरेलले निर्वाचनलाइ सफल बनाउन, भ्रष्टाचारलाई नियन्त्रण गर्दै सुशासन कायम गर्न अघि बढिरहेको भन्दै सवैले साथ दिनुपर्ने बताएका हुन ।

उनले आसन्न प्रतिनिधिसभाको निर्वाचनलाई निष्पक्ष, स्वतन्त्र र धाँधलीरहित बनाउन सवैले जोड दिइरहेको अवस्थामा अहिले भइरहेको साइबर आक्रमण ठूलो चूनौतिको रुपमा रहेको उल्लेख गरेका थिए । १५ हजार मिडियाका ३० हजार सामाजिक सञ्जाल दुरुपयोग हुने खतरा रहेको भन्दै मन्त्री खरेलले गलत सूचना र गलत समाचारलाई नियन्त्रण गर्न प्रेस काउन्सीलले प्रभावकारी भूमिका खेल्नुपर्ने बताए ।

आमसञ्चारमाध्यमलाई थप प्रभावकारी बनाएर स्वतन्त्र रुपमा काम गर्न प्रेरित गर्ने काम समेत काउन्सीलले गर्नुपर्ने उनको भनाई छ । सो अवसरमा प्रेस काउन्सिल नेपालका नवनियुक्त अध्यक्ष डा.कुमार शर्मा आचार्यले सुशासन, भ्रष्टाचारको बिरुद्धमा गठन भएको सरकारले नियुक्त गरेकाले आफु सुशासनका पक्षमा अडिक भएर काम गर्ने जनाए ।

यहि मंसिर १५ गते बसेको मन्त्रिपरिषद् बैठकले आचार्यलाई काउन्सिलको अध्यक्षमा ४ वर्षका लागि मनोनित गर्ने निर्णय गरेको थियो ।