देउवा ओली भेटको अन्तर्यः प्रतिनिधि सभा विघटनविरुद्ध सर्वोच्चमा काँग्रेस

काठमाडौँ । नेपाली काँग्रेसले प्रतिनिधि सभा विघटनविरुद्ध आइतबार सर्वोच्च अदालतमा रिट दायर गरेको छ । नेकपा (एमाले)ले मंसिर ९ गते प्रतिनिधि सभा विघटनविरुद्ध सर्वोच्चमा रिट दायर गरेको थियो ।

Watch On

आजको दिन सम्म पनि यस विषयमा चुपचाप रहेको काँग्रेसले एकाएक आइतबार संसद् पनःस्थापनाको माग गर्दै सर्वोच्चमा रिट दायर गरेको हो । नेपाली काँग्रेस सभापति शेरबहादुर देउवा र नेकपा एमालेका अध्यक्ष केपी शर्मा ओलीले शुक्रबार भेटवार्ता गरेका थिए ।

यी दुई नेताबीचको भेटपश्चात् आइतबारमात्र प्रतिनिधि सभा विघटन असंवैधानिक भएकाले कांग्रेसले सर्वोच्च अदालतमा रिट दायर गर्नुले राजनीतिक वृत्तमा शंका पैदा गरिदिएको छ । जसका कारण शुक्रबार काँग्रेसका सभापति देउवा र एमाले अध्यक्ष ओलीबीच भएको सम्बाद र सम्झदारीमै नेपाली काँग्रेस पनि प्रतिनिधि सभा विघटनविरुद्ध सर्वोच्चमा रिट दायर गर्ने निर्णयमा पुगेको हुन सक्ने आशंका बढेको जानकारहरु बताउछन् ।

निर्वतमान सरकारका साझेदार भएपनि भदौ २४ को जेनजी आन्दोलन पश्चात् काँग्रेस सभापति देउवा र एमाले अध्यक्ष ओली शुक्रबार पहिलो पटक भेटेका थिए । जेनजी आन्दोलनपछि केपी ओलीले राजीनामा दिए पश्चात् भदौ २७ गते पूर्वप्रधानन्यायाधीश सुशीला कार्की नेतृत्वको सरकारले संसद् विघटनको निर्णय गरेको थियो ।

नयाँ गठित सरकारको सिफारिशमा राष्ट्रपति रामचन्द्र पौडेलले प्रतिनिधि सभा विघटन गरी आउँदो फागुन २१ गते प्रतिनिधि सभा निर्वाचनको मिति घोषणा गरेका थिए । त्यस्तै, प्रतिनिधि सभा विघटनलाई प्रयाः राजनीतिक दलले असंवैधानिक भएको बताउदै आएका छन् ।

केहि दलहरुले चुनावमा जानुपर्ने निर्णय गरे पनि एमाले भने संसद्को पुनःस्थापनको माग गर्दै आइरहेको थियो । हाल आएर कांग्रेसले पनि प्रतिनिधि सभा विघटनविरुद्ध संसद् पुनःस्थापनाको माग गर्दै सर्वोच्च अदालतमा रिट दायर गर्नुले जेनजी आन्दोलन पश्चात् चिसिएको यी दुई दलबीचको सम्बन्ध सुधारिएको आकलन गर्न थालिएको छ ।