मुलुकको अर्थतन्त्र सहिदिशातर्फ अघि बढिरहेको छः अर्थमन्त्री खनाल

काठमाडौँ । अर्थमन्त्री रामेश्वरप्रसाद खनालले मुलुकको अर्थतन्त्र सहिदिशातर्फ अघि बढिरहेको बताएका छन् ।

बिहीबार गोरखापत्रले आयोजना गरेको अर्थतन्त्रको दिगो विकासका लागि निजी क्षेत्रसँग संवाद कार्यक्रममा अर्थमन्त्री खनालले पछिल्लो तीन महिनाको आर्थिक सूचकहरु हेर्दा मुलुकको अर्थतन्त्र सहिदिशातर्फ अघि बढिरहेको देखिएको बताएका हुन ।

उनले नेपालको अर्थतन्त्र चलायमान हुदै गएकाले लगानीको वातावरण बनिरहेको धारणा व्यक्त गरेका थिए । जेनजीको आन्दोलनको तीन महिनामा नेपालको अर्थतन्त्रमा पुरुत्थान हुँदै गएको भन्दै उनले यसअवधिमा करिब १० प्रतिशतले राजस्व वृद्धि भएको बताए ।

वर्तमान अन्तरिम सरकारले छोटो अवधिमा पनि सुधार गर्दै लगानीको वातावरण तयार गरेको भनेर बाह्य लगानीकर्ताले समेत प्रशंसा गरिरहेको उनको भनाइ छ ।

उनले तरलता व्यवस्थापन र लगानीको वातावरण तयारका लागि सरकारले येजनाबद्ध काम गरिरहेको जानकारी दिए । त्यस्तै नेपाल राष्ट्र बैंकका गभर्नर प्राडा विश्वनाथ पौडेलले उच्च मनोवलका साथ काम गर्न निजि क्षेत्रलाई आह्वान गरे ।

निष्पक्ष रूपमा हुने आगामी निर्वाचनले स्थायित्व कायम गर्ने र अर्थतन्त्र थप बलियो हुने उनको भनाइ छ । पौडेलले १० अर्व डलर बैदेशिक ऋण रहेपनि त्यसका कारण अप्ठेरोमा पर्ने अवस्था नरहेको जिकिर गरे ।

उनले अर्थतन्त्रको बिषयमा अनावश्यक हल्ला फैलाउनेप्रति सजक रहन आग्रह गर्दै पूँजी परिचालन गर्न देश बलियो अवसथामा रहेको स्पष्ट पारे ।