समाज

मुलुकलाई लयमा फर्काउन रवि लामिछानेको नेतृत्वमा रास्वपाले निर्णायक भूमिका निभाउनेछः डिपी अर्याल

सिधाकुरा

बिहीबार, पुस ३, २०८२

मुलुकलाई लयमा फर्काउन रवि लामिछानेको नेतृत्वमा रास्वपाले निर्णायक भूमिका निभाउनेछः डिपी अर्याल

काठमाडौँ । राष्ट्रिय स्वतन्त्र पार्टीका कार्यवाहक सभापति डिपी अर्यालले सभापति रवि लामिछानेको रिहाइले न्यायालयप्रतिको आस्थालाई पुनः ताजगी दिनुकासाथै मुलुकको राजनीतिकवृत्तमा उर्जा संचार गरेको बताएका छन् ।

Watch On

उनले सभापति लामिछानेको रिहाईको लागि निरन्तर सदभाव,शुभेच्छा व्यक्त गर्नुहुने देश विदेशमा रहनुभएका सम्पूर्ण नेपालीजनहरूप्रति हार्दिक आभार प्रकट गरेका छन् ।

त्यस्तै निर्धारित मितिमै निर्वाचन सम्पन्न गरी मुलुकलाई लयमा फर्काउन लामिछानेको नेतृत्वमा राष्ट्रिय स्वतन्त्र पार्टीले निर्णायक भूमिका निभाउने बताएका छन् ।

उनले भने, ‘आज उच्च अदालत तुल्सीपुरले पार्टी सभापति रवि लामिछानेलाई धरौटीमा रिहा गरेको छ । सम्मानित अदालतको आदेशप्रति हार्दिक सम्मान व्यक्त गर्दछौं । सभापति लामिछानेको रिहाइका लागि निरन्तर सदभाव,शुभेच्छा व्यक्त गर्नुहुने देश विदेशमा रहनुभएका सम्पूर्ण नेपालीजनहरूप्रति हार्दिक आभार प्रकट गर्नेछौं । सभापतिको रिहाइले न्यायालयप्रतिको आस्थालाई पुनः ताजगी दिनुकासाथै मुलुकको राजनीतिकवृत्तमा उर्जा संचार गरेको छ । अब निर्धारित मितिमै निर्वाचन सम्पन्न गरी मुलुकलाई लयमा फर्काउन उहाँको नेतृत्वमा राष्ट्रिय स्वतन्त्र पार्टीले निर्णायक भूमिका निभाउनेछ ।’

प्रकाशित मिति: बिहीबार, पुस ३, २०८२

प्रतिक्रिया दिनुहोस्