समाज

विधान अनुसार विशेष महाधिवशेनको निर्णय गर्न महाधिवेशन पक्षधरद्वारा पार्टीको ध्यानाकर्षण

सिधाकुरा

सोमबार, पुस २१, २०८२

विधान अनुसार विशेष महाधिवशेनको निर्णय गर्न महाधिवेशन पक्षधरद्वारा पार्टीको ध्यानाकर्षण

काठमाडौँ । नेपाली कांग्रेसको विशेष महाधिवेशन पक्षधरले पार्टीको विधान अनुसार विशेष महाधिवशेनको निर्णय गर्न पार्टीको ध्यानाकर्षण गराएको छ ।

Watch On

सोमबार पार्टी कार्यालय सानेपामा ध्यानाकर्षण पत्र दर्ता गर्दै उनीहरुले बैशाखमा नियमित महाधिवेशन गर्ने निर्णय सच्चाएर पुषमा विशेष महाधिवशेनको निर्णय गर्न माग गरेका हुन् । कांग्रेस नेता देवराज चालिसेले नयाँ नीति र नेतृत्वका साथ पार्टीको पुननिर्माणका लागि विधान बमोजिम विशेष महाधिवेशन बोलाउन ध्यानाकर्षण गराइएको जानकारी दिए ।

विशेष महाधिवेशन आह्वानका लागि यसअघि नै बहुमत सदस्यहरुले हस्तक्षर बुझाइएको र विशेष महाधिवेशनको विधानसम्बन्धी व्यवस्था कसैको रहर वा छनोटको विषय नभई बाध्यकारी रहेको स्मरण गराइएको उनले बताए । पौष १८ गते बसेको केन्द्रीय कार्यसम्पादन समितिको बैठकले विशेष महाधिवेशनजस्तो गम्भीर विषयमा निर्णय लिँदा विधानको सर्वोपरितालाई स्वीकार गर्न नसकेको महसुस भएको उनले बताए ।

उनले विशेष महाधिवेशनको प्रस्ताव निस्क्रीय पार्नुको औचित्यबारे समेत प्रश्न गरिएको उल्लेख गरेका थिए । केन्द्रीय समिति तथा कार्यसम्पादन समितिका निर्णयहरू विधान अधीनस्थ नभएको समेत उनीहरुले आरोप लगाएका छन् ।

प्रकाशित मिति: सोमबार, पुस २१, २०८२

प्रतिक्रिया दिनुहोस्