समाज

म्याजिक नम्बर इधर उधर गर्ने पार्टीमा रमाउन चाहेनौँ, अब १५१ सिट ल्याएर निर्णायक शक्ति बन्छौँः डा. स्वर्णिम वाग्ले

सिधाकुरा

सोमबार, पुस २१, २०८२

म्याजिक नम्बर इधर उधर गर्ने पार्टीमा रमाउन चाहेनौँ, अब १५१ सिट ल्याएर निर्णायक शक्ति बन्छौँः डा. स्वर्णिम वाग्ले

काठमाडौँ । राष्ट्रिय स्वतन्त्र पार्टीका उपसभापति डा. स्वर्णिम वाग्लेले मुलुकको राजनीतिक कोर्सलाई नै बदल्ने हो भने झ्याल ढोका बन्द गरेर त्यो महानता हासिल गर्न सक्दैनौँ भन्ने निष्कर्ष पुगेपछि सबैलाई पार्टीमा स्वागत गरिएको बताएका छन् । नागरिक उन्मुक्ति पार्टी छोडेका नेताहरुलाई रास्वपामा स्वगत गर्दै डा. स्वर्णिम वाग्लले २१ सिट मात्रै हुँदा आफूहरुलाई न्याकेर भित्तामै पुर्याइएको बताए ।

Watch On

उनले भने, ‘२१ बाट ५१ त आँखा चिम्लेर पनि पुगिन्थ्यो होला । ५१ बाट ७१ पनि पुगिन्थ्यो होला । ७१ बाट ९१ पनि पुगिन्थ्यो होला । तर च्याखे थाप्ने पार्टी, म्याजिक नम्बर इधर उधर गर्ने पार्टीमा हामी रमाउन चाहनौँ । हामी अब १५१ सिट ल्याएर, बहुमत ल्याएर यो देशको निर्णायक शक्ति र २१ औँ शताब्दी अनुकुल तमाम युवा वर्गको अकांक्षालाई बोक्ने एस्पिरेसनल सोसाइटीको विम्ब बन्न चाहन्छौँ ।’

उनले सोही कारण ठूलो छाती गरेर बालेन्द्र शाहको समूह, कुलमान घिसिङको उज्यालो पार्टी, विकशिल साझा पार्टी, नयाँ शक्तिका धेरै अभियन्ताहरु हुँदै आज थरुवान् थारुहटसँग आवद्ध धेरै संघर्षशिल पात्रहरुलाई रास्वपामा निम्त्याएको बताए ।

प्रकाशित मिति: सोमबार, पुस २१, २०८२

प्रतिक्रिया दिनुहोस्