बालेनले रविलाई भनेका थिए: म त थाकिसकेको हुँ

विष्णु ढुंगाना

शनिबार, पुस २६, २०८२

बालेनले रविलाई भनेका थिए: म त थाकिसकेको हुँ

काठमाडौँ । एकता सहमति भएको १२ दिन पछि रास्वापा र उज्यालो नेपाल पार्टीबीचको एकता भङ्ग भएको छ। शनिबार दुई पार्टीले एकता सहमतिबाट आफूूहरु पछाडी फर्किएको बताएका छन् ।

Watch On

तर सहमति तोडेर आआफ्नो बाटो लाग्नु अघिका दुई दिन दुवै पक्षबीच घनिभूत वार्ता र छलफल भएको रास्वपा नेताहरूले बताएका छन् । शुुक्रबार रास्वपा सभापति रवि लामिछाने निवासमा रविले कुलमानसँग एक्ला एक्लै तीन घण्टा सहमति कार्यन्वयनका लागि छलफल र वार्ता गरेका थिए ।

तर, सो छलफलमा कुनै सहमति भएन । त्यस लगत्तै शनिवार रवि, बालेन र कुलमान एकता कार्यन्वयन गर्नका लागि वार्तामा बसेका थिए । तर, सो वार्ता पनि सकारात्मक हुन सकेन र दुवै पक्ष सहमतिबाट पछाडी फर्किए ।

रास्वपा सभापति रवि लामिछानेले सहमति प्रयास गर्दा कुलमान टसका मस नभएपछि शनिवारको वार्तामा रविले बालेनलाई समेत सहभागी गराएका थिए । तर, त्यस अघि रास्वपाका वरिष्ठ नेता बालेनले पार्टी समापति रविलाई कुलमानसँग बार्ता गरेर आफु यस अघि नै थाकिसकेको भन्दै छलफलमा बस्नुको अर्थ नै नभएको बताएका थिए ।

‘उहाँसँग सहमति नै हुन सक्दैन । म सहमतिको प्रयास गर्दा गर्दै पहिल्यै थाकिसकेको हुँ,’ कुलमानसागको एकता भंगबारे रास्वपा उच्च स्रोतले सिधाकुरासँग भन्यो ।

प्रकाशित मिति: शनिबार, पुस २६, २०८२

प्रतिक्रिया दिनुहोस्