समाज

क-कसले दिँदैछन् रास्वपाका नयाँ सांसदलाई प्रशिक्षण ?

सिधाकुरा

सोमबार, चैत २, २०८२

क-कसले दिँदैछन् रास्वपाका नयाँ सांसदलाई प्रशिक्षण ?

काठमाडौँ । राष्ट्रिय स्वतन्त्र पार्टी (रास्वपा) ले आफ्ना नयाँ सांसदहरूका लागि अभिमुखीकरण कार्यक्रम गर्दैछ । रास्वपाका महामन्त्री कविन्द्र बुर्लाकोटीकाअनुसार मङ्गलबार र बुधबार ललितपुरको होटल रोयल टुलिप, ग्वार्कोमा अभिमुखीकरण कार्यक्रम हुँदैछ।

रास्वपाकाअनुसार नवनिर्वाचित सांसदहरूलाई विषय विज्ञले अभिमुखीकरण गर्ने छन् । सभापति रवि लामिछानेले समारोहमा आफ्ना सांसदहरूलाई सम्बोधन गर्ने छन् । रास्वपाका उपसभापतिद्वय डा। स्वर्णीम वाग्ले र डीपी अर्यालले राजनीतिक प्रशिक्षण दिने छन् ।

Watch On

महामन्त्री कविन्द्र बुर्लाकोटी र सहमहामन्त्री विपिन कुमार आचार्यले पनि सांसदहरूलाई प्रशिक्षण दिनेछन् । यस्तै विषय विज्ञहरूमा भने नेपाल सरकारका पूर्व सचिवहरू सुरेश अधिकारी, प्रतापकुमार पाठक र तोयानाथ ज्ञवालीले सांसदको भूमिकाका विषयमा प्रशिक्षण गर्ने छन् ।

सांसदहरूलाई राजनीतिक संस्कारका विषयमा रास्वपाका केन्द्रिय सदस्य आरके ढुङ्गानाले प्रशिक्षण दिनेछन् । यस्तै, सूचना प्रविधि र एआईका विषयमा दोबान राईले सांसदहरूलाई प्रशिक्षण दिने छन् । पार्टीका अन्य पदाधिकारीहरूले समेत राजनीतिक प्रशिक्षण दिने बताइएको छ ।

प्रकाशित मिति: सोमबार, चैत २, २०८२

प्रतिक्रिया दिनुहोस्