मुख्य समाचार

आमसञ्चार विधेयक विधायन तथा प्रदेश मामिला समितिमा पठाइयो

सिधाकुरा

आइतबार, चैत २९, २०८२

आमसञ्चार विधेयक विधायन तथा प्रदेश मामिला समितिमा पठाइयो

काठमाडौँ । सुदूरपश्चिम प्रदेशसभाले ‘सुदूरपश्चिम प्रदेशमा आमसञ्चार सम्बन्धमा व्यवस्था गर्न बनेको विधेयक’लाई दफावार छलफलका लागि विधायन तथा प्रदेश मामिला समितिमा पठाइएको छ ।

आइतबार बसेको प्रदेशसभाको बैठकमा आन्तरिक मामिला तथा कानुनमन्त्री हीरा सार्कीले उक्त विधेयकलाई दफावार छलफलका लागि विधायन तथा प्रदेश मामिला समितिमा पठाइयोस् भनी प्रस्ताव पेस गरिएको उक्त प्रस्ताव सर्वसम्मतिले स्वीकृत भयो ।

Watch On

यस्तै, ‘सुदूरपश्चिम प्रदेश जीवनाषक विषादी व्यवस्थापन सम्बन्धमा व्यवस्था गर्न बनेको विधेयक’लाई पनि दफावार छलफलका लागि सामाजिक विकास समितिमा पठाइएको छ । मन्त्री सार्कीले पेस गरेको उक्त प्रस्ताव पनि बैठकले सर्वसम्मतिले स्वीकृत गरेको हो ।

यस्तै, प्रदेशसभाअन्तर्गतका दुई विषयगत समितिमा रहेका सदस्यहरू हेरफेर गरिएको नामावलीसम्बन्धी प्रस्तावलाई पनि बैठकले स्वीकृत गरेको छ । सभामुख भीमबहादुर भण्डारीले निर्णयार्थ पेस गरेको उक्त प्रस्ताव बैठकले स्वीकृत गरेको हो ।

त्यसअनुसार प्रदेशसभा सदस्य प्रकाशबहादुर देउवालाई सार्वजनिक लेखा समितिबाट सामाजिक विकास समिति र खुशीराम डगौरालाई सामाजिक विकास समितिबाट सार्वजनिक लेखा समितिमा हेरफेर गरिएको छ ।

प्रकाशित मिति: आइतबार, चैत २९, २०८२

प्रतिक्रिया दिनुहोस्