चौधरीको सहयोगपछि अस्पतालबाट मुक्त भए शिव सदा

उदयपुर ,४ वैशाख। आर्थिक अभावका कारण विराटनगरस्थित अस्पतालमा ‘बन्धक’ जस्तै अवस्थामा रहेका १९ वर्षीय शिव सदा अन्ततः घर फर्किन पाएका छन्। उपचार खर्च तिर्न नसक्दा डिस्चार्ज हुन नसकेका उनलाई समाचार सार्वजनिक भएपछि  सहयोग जुटेपछि अस्पतालले डिस्चार्ज गरेको हो।

सिन्धुलीको दुधौली नगरपालिका–७ पोखरेका शिवले चैत २७ गते विष सेवन गरेपछि गम्भीर अवस्थामा उपचारका लागि कटारी अस्पताल हुँदै विराटनगरस्थित विराट निदान हस्पिटल एन्ड ट्रमा सेन्टरमा पुगेका थियो। आईसीयूमा राखेर उपचार गरिएका उनको उपचार र औषधि खर्च गरेर करिब १ लाख ३९ हजार रुपैयाँ पुगेको थियो।

Watch On

तर विपन्न दलित सदाको परिवारले जम्मा २० हजार रुपैयाँ मात्रै जुटाउन सकेपछि बाँकी रकम तिर्न नसक्दा उनी र उनकी श्रीमती अस्पतालमै रोकिएका थिए। उपचार खर्च जुटाउन उनकी आमा मघिया सदाले १५ सयमा आफ्नो मोबाइल मोबाइल बन्धकी राखेकी थिइन्। छोरालाई पैसा बिना घर लान नदिएपछि मघिया पैदलै ऋण खोज्न घरतर्फ लागेकी थिइन्।

यसैबीच, उक्त  घटनाबारे समाचार सार्वजनिक भएपछि सहयोगका हातहरू अघि बढे। सिजी होल्डिङ्सका अध्यक्ष अरुणकुमार चौधरीले तत्काल १ लाख रुपैयाँ सहयोग गरेपछि अस्पतालले बाँकी रकममा छुट दिँदै शिवलाई डिस्चार्ज गरेको हो।

अस्पतालबाट निस्कँदै शिव र उनकी श्रीमती कृतिकाले सहयोगका लागि चौधरीलाई आभार व्यक्त गरेका छन्।