समाज

एमालेले माग्यो सांसदहरुलाई स्वकीय सचिवको सुविधा

सिधाकुरा

सोमबार, असार १, २०८३

एमालेले माग्यो सांसदहरुलाई स्वकीय सचिवको सुविधा

काठमाडौं। नेकपा एमालेले सांसदहरुलाई स्वकीय सचिवको सुविधा माग गरेको छ ।

प्रतिनिधिसभाको आजको बैठकमा एमाले सांसद राजेन्द्रकुमार राईले सांसदहरूलाई स्वकीय सचिवको सुविधा माग गरेका हुन् ।
धनकुटाबाट निर्वाचित एमाले सांसद राईले आज सांसदहरूले यस अगाडि पाइराखेको स्वकीय सचिवहरूको सुविधा दिन माग गर्दै सभामुखमार्फत सरकारको ध्यानाकर्षण गराएका हुन् ।

Watch On

विनियोजन विधेयकमाथिको छलफलका क्रममा सांसद राईले सांसदहरूले स्वकीय सचिवको सुविधा निरन्तर पाउनुपर्ने बताए ।

यसअघि पनि विभिन्न दलका सांसद एवं नेताहरूले सांसदलाई स्वकीय सचिव उपलब्ध गराउनुपर्ने भन्दै सरकारमाथि दबाब सिर्जना गरेका थिए । राप्रपाका सांसद ज्ञानेन्द्र शाहीले राज्य व्यवस्था तथा सुशासन समितिको पहिलो बैठकमै सांसदहरूको सुविधा कटौती भएकोमा विरोध गर्दै सुविधा निरन्तरता दिनुपर्ने बताएका थिए।

संसदमा सहभागी दल तथा तिनका सांसदहरुको दबाब थेग्न सरकारलाई मुस्किल परेको छ । सांसदहरुको दबाबका कारण सरकार पनि सांसदहरूलाई नीति निर्माणमा सहयोगी हुने गरी स्वकीय सचिवको व्यवस्था गर्न सकारात्मक देखिन्छ।

जेनजी आन्दोलनपछि बनेको सुशीला कार्की नेतृत्वको सरकारले सांसदहरुले पाउँदै आएको स्वकीय सचिवको सुविधा खारेज गरेको थियो ।

प्रकाशित मिति: सोमबार, असार १, २०८३

प्रतिक्रिया दिनुहोस्