निर्वाचन कार्यतालिका सार्वजनिक, साँझ ७ बजेदेखि उम्मेदवारी दर्ता, भोलि बिहान चुनाव

चितवन । राष्ट्रिय स्वतन्त्र पार्टी (रास्वपा) को प्रथम महाधिवेशन अन्तर्गत नयाँ नेतृत्व चयनका लागि निर्वाचन कार्यतालिका सार्वजनिक भएको छ ।

नयाँ तालिका अनुसार, अहिले साँझ ७ बजेदेखि मनोनयन दर्ता हुने छ भने उम्मेदवारीमाथि छानबिन गरी राति नै उम्मेदवारको अन्तिम नामावली प्रकाशन गरिने छ । भोलि मतदान हुने छ । मतदानको समय भने तोकिएको छैन ।

Watch On

केही बेरअघि सार्वजनिक निर्वाचन तालिकाअनुसार, अहिले ७ बजेदेखि साढे ९ बजेसम्म सभापति पदको उम्मेदवारीका लागि फाराम वितरण र दर्ता गरिने छ ।

त्यस्तै, केन्द्रीय सदस्य पदमा उम्मेदवारी दर्ताका लाग ७ः३० देखि राति ९ः३० बजेसम्मको समय तोकिएको छ ।

राति १० बजे उम्मेदवारको प्रारम्भिक नामावली सार्वजनिक गरी १०ः३० बजेसम्म उम्मेदवारविरुद्ध दाबी विरोधको समय दिइएको छ । राति ११ बजेसम्म दाबी विरोधमाथि जाँचबुझ हुने छ भने सवा ११ बजेसम्म उम्मेदवारी फिर्ताको समय तोकिएको छ ।

राति ११ः४५ बजे उम्मेदवारको अन्तिम नामावली प्रकाशन गरिने र त्यससँगै मौन अवधि सुरु हुने निर्वाचन आयोगको सूचनामा उल्लेख छ ।

सभापति र केन्द्रीय सदस्य चयनका लागि बिहान मतदान हुने छ । पहिलो चरणको मतदान सकिएको दुई घण्टापछि मतपरिणाम सार्वजनिक हुने छ ।

पदाधिकारी छान्न दोस्रो चरणको मतदान हुने छ । त्यसको भने तालिका सार्वजनिक गरिएको छैन ।   

यस्तो निर्वाचनको कार्यतालिका: