समाज

साउदी अरबलाई एसभिपी प्रक्रिया स्थगन गर्न मन्त्री यादवको आग्रह

सिधाकुरा

शनिबार, असार १३, २०८३

साउदी अरबलाई एसभिपी प्रक्रिया स्थगन गर्न मन्त्री यादवको आग्रह

काठमाडौँ । युवा, श्रम तथा रोजगारमन्त्री रामजी यादवले साउदी अरबले कार्यान्वयन गर्न लागेको नेपाली श्रमिकहरूको सीप प्रमाणीकरण (एसभिपी) प्रक्रियालाई स्थगन गर्न विशेष आग्रह गरेका छन्।

शनिबार मन्त्री यादव र नेपालका लागि साउदी अरबका राजदूत फहद मोहम्मद ए. मिएखरबीच भएको शिष्टाचार भेटका क्रममा साउदी अरबले कार्यान्वयनमा ल्याउन लागेको एसभिपी प्रक्रिया स्थगन गर्न आग्रह गरेका हुन्।

Watch On

साथै, उक्त प्रक्रियाका कारण नेपाली श्रमिकको भिसा प्रक्रिया प्रभावित नहोस् र भिसा प्रक्रिया यथावत् अगाडि बढाइयोस् भन्ने विषयमा पनि उनले विशेष अनुरोध गरेका छन् ।

हाल साउदी अरब जान तयारी अवस्थामा रहेका नेपाली श्रमिक सीप प्रमाणीकरण प्रक्रियासम्बन्धी अन्योलका कारण समस्यामा परेको अवस्थाप्रति ध्यानाकर्षण गराउँदै मन्त्री यादवले श्रमिकको रोजगारीमा कुनै अवरोध नआउने वातावरण सुनिश्चित गर्न आग्रह गरे।

उनले सीप प्रमाणीकरण (एसभिपी) प्रक्रियासँग सम्बन्धित सबै विषय द्विपक्षीय परामर्श र सहमतिका आधारमा स्थापित संयन्त्रमार्फत समाधान गरिनुपर्नेमा जोड दिएका थिए।

सो अवसरमा राजदूतले साउदी सरकारसँग आवश्यक परामर्शपश्चात् यस सम्बन्धमा थप जानकारी उपलब्ध गराइने जानकारी गराएको श्रमन्त्रीको सचवालयले जनाएको छ ।

प्रकाशित मिति: शनिबार, असार १३, २०८३

प्रतिक्रिया दिनुहोस्