नेभिगेशन
समाज

नेपाल आइपुगे एडिबी अध्यक्ष मासातो कान्डा, बालेनसँग भेट्ने

आज दिउँसो ३ बजे अर्थमन्त्री डा.स्वर्णीम वाग्लेसँग भेट गर्ने

काठमाडौँ । एसियाली विकास बैङ्कका अध्यक्ष मासातो कान्डा दुई दिने भ्रमणका लागि नेपाल आएका छन् । आइतबार राति १० बजे काठमाडौँ आइपुगेका हुन् । 

कान्डा एक्समार्फत नेपालको महत्त्वपूर्ण घडीका बिच आफू नेपाल भ्रमणमा आएका जानकारी दिएका छन् । 

Watch On

Facebook Tiktok Youtube Instagram Twitter

उनलाई अर्थसचिव घनश्याम उपाध्यायले त्रिभुवन अन्तर्राष्ट्रिय विमानस्थलमा स्वागत गरेका थिए । 

Marvel
Extreme Energy

दुइृ दिने नेपाल भ्रमणमा रहने अध्यक्ष कान्डाले मंगलबा प्रधानमन्त्री बालेन्द्र शाहसँग भेट गर्ने छन् । कान्डा प्रधानमन्त्री बालेनले औपचारिकरुपमा भेट गर्ने पहिलो विदेश पाहुन हुने छन्। 

त्यस अघि आज(सोमबार) दिउँसो ३ बजे अर्थमन्त्री डा.स्वर्णीम वाग्लेसँग भेट गर्ने छन् । त्यसपछि नेपालमा एडीबीको सहयोगमा निर्माण भएका विभिन्न विकास परियोजनाको भ्रमण तथा अनुगमन समेत गर्ने स्रोतले जनाएको छ । 

अर्थमन्त्रालय स्रोतका अनुसार कान्डाले नेपालका लागि केहि महत्त्वपूर्ण सहयोगहरुमा एडीबीकातर्पmबाट हस्ताक्षर गर्ने छन् ।

सोमबार बिहान एक्समा पोस्ट गर्दै कान्डाले आफू नेपाल निर्णायक घडीमा रहेको अवस्थामा नेपाल आएको उल्लेख गरेका छन् । 

उनले लेखेका छन्, ‘नेपालले पटक पटक दोहोरिइरहेका धक्काहरु र ठूलो परिवर्तनका बेलामा असाधारण उत्थानशीलता देखाएको छ । ३ अर्ब ९० करोड सक्रिय लगानी रहेको नेपालकै सबैभन्दा ठूलो विकास साझेदारको रूपमा हामीले यो उत्थानशीलतालाई दीर्घकालीन प्रगतिको रूपमा परिणत गर्न, थप अवसरहरु सृजना गर्न तथा दीर्घकालीन आर्थिक वृद्धिका आधार तयार गर्न नेपाललाई सहयोग गर्नेछौं ।’

नेपालले नयाँ अध्याय शुरु गर्दै गरेको अवस्थामा त्यसमा नेपालाई कसरी सहयोग गर्न सकिन्छ भनेर आफूले छलफल गर्ने पनि उनले उल्लेख गरेका छन् ।

‘नेपालको नयाँ सरकारले आफ्ना प्राथमिकताहरू तय गर्दैछ, यो भ्रमणलाई मैले विगत ६ दशकभन्दा लामो साझेदारीका अनुभवका आधारमा देशको अर्को अध्यायलाई एडीबीले कसरी सक्छ भन्ने विषयमा सुन्ने, सिक्ने र छलफल गर्ने अवसरका रुपमा लिएको छु ।’

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
अमेरिकी कृषि मन्त्रालयको भुक्तानी प्रणालीमा ह्याकरको पहुँच

अमेरिकी कृषि मन्त्रालयको भुक्तानी प्रणालीमा ह्याकरको पहुँच

अमेरिकाको कृषि मन्त्रालय (यूएसडीए) को किसानलाई भुक्तानी गर्ने प्रणालीमा ह्याकरहरूले पहुँच बनाएका छन्।
चिसो बढेपछि सगरमाथा क्षेत्रबाट फर्किने पर्यटक दोब्बरभन्दा बढी

चिसो बढेपछि सगरमाथा क्षेत्रबाट फर्किने पर्यटक दोब्बरभन्दा बढी

हिउँदको चिसो बढ्दै गएपछि सगरमाथा क्षेत्रबाट बाहिरिने पर्यटकको सङ्ख्या बढेको छ। पछिल्लो एक सातामा खुम्बु क्षेत्रमा प्रवेश गर्नेभन्दा बाहिरिने पर्यटकको सङ्ख्या दोब्बरभन्दा बढी देखिएको छ।
आज यी स्थानमा मेघगर्जनसहित वर्षाको सम्भावना

आज यी स्थानमा मेघगर्जनसहित वर्षाको सम्भावना

देशका केही भूभागमा आज आंशिक बदली रहनेछ भने बाँकी क्षेत्रमा मौसम मुख्यतया सफा रहनेछ।
यस्तो छ दसौँ राष्ट्रिय खेलकुदको खेलस्थल

यस्तो छ दसौँ राष्ट्रिय खेलकुदको खेलस्थल

यही मङ्सिर  १६ देखि २७ गतेसम्म सञ्चालन हुने दसौँ राष्ट्रिय खेलकुद प्रतियोगितामा समावेश ३२ खेलको प्रतियोगितास्थल सार्वजनिक गरिएको छ ।