नेताका कुरा

एमाले संविधान संशोधन सुझाव कार्यदल उपसमितिले गर्‍यो चार निर्णय

सिधाकुरा

बुधबार, साउन ६, २०८३

एमाले संविधान संशोधन सुझाव कार्यदल उपसमितिले गर्‍यो चार निर्णय

काठमाडौँ । नेकपा एमाले संविधान संशोधन सुझाव कार्यदलको उपसमितिले संविधान पुनरावलोकन सम्बन्धी प्रस्ताव तयार गर्न चार वटा निर्णय गरेको छ ।

आजको बैठकले नेपालको संविधान कार्यान्वयनको हालसम्मको अनुभव, उपलब्धि तथा देखिएका व्यावहारिक चुनौतीहरूको समीक्षा गर्ने विषयमा छलफल भएको उपसमितिका सदस्य महेश बर्तौलाले जानकारी दिए ।

Watch On

आजको बैठकले संविधानमा संशोधन आवश्यक देखिएका विषयहरूको पहिचान गरी राजनीतिक, संवैधानिक, प्रशासनिक तथा कानुनी दृष्टिकोणबाट अध्ययन गर्ने विषयमा छलफल भएको उनले बताए ।

संविधान संशोधनका सन्दर्भमा राजनीतिक दल, संवैधानिक निकाय, विषयगत विज्ञ, कानुन व्यवसायी, प्रशासनिक क्षेत्र , नागरिक समाज तथा सरोकारवालाबाट सुझाव संकलन गर्ने विधि र प्रक्रिया सम्बन्धमा छलफल भएको उनको भनाइ छ ।

यस्तै संविधान संशोधनका लागि प्राप्त सुझावहरूलाई विषयगत रूपमा वर्गीकरण गरी तथ्य, तर्क र औचित्यका आधारमा प्रस्ताव तयार गर्ने विषयमा छलफल भएको बर्ताैलाले बताए ।
उपसमितका संयोजक अग्निप्रसाद खरेल छन् । महेश बर्तौला, रमेश बडाल, टीकाराम भट्टराई, राजेन्द्र घिमिरे, अमर थापा सदस्य छन् ।

आजको बैठकमा विज्ञको रुपमा पूर्वकानुनमन्त्री माधवप्रसाद पौडेल सहभागी थिए ।

प्रकाशित मिति: बुधबार, साउन ६, २०८३

प्रतिक्रिया दिनुहोस्