प्रहरीले एआईजीदेखि एसएसपीसम्मलाई खटायो मधेशका १५ जिल्लामा

काठमाडौँ । सुनसरीको देबानगञ्ज घटनापछि मधेश प्रदेशसम्म फैलिएको हिंसा नियन्त्रणका लागि प्रहरी प्रधान कार्यालयले मधेशका १५ जिल्लामा प्रहरीका उच्च अधिकृतहरुलाई खटाएको छ ।

प्रहरी प्रवक्ता अबिनारायण काफ्लेका अनुसार उनीहरुलाई निश्चित जिम्मेवारी तोकिएको छ । केन्द्रबाट खटाइएका उच्च अधिकृतहरुले सुरक्षा व्यवस्थापनसँगै समन्वयको कामसमेत गर्ने छन् ।

Watch On

एआईजी शिद्धीविक्रम शाहलाई बाँके, एआईजी हिमालयकुमार श्रेष्ठलाई मधेश प्रदेश, एआईजी उमाप्रसाद चतुर्वेदीलाई कपिलवस्तु र एआईजी ईश्वर कार्कीलाई सुनसरीमा खटाइएको छ ।

त्यस्तै डीआईजी दिनेशकुमार आचार्यलाई सिरहा र डीआईजी  अबिनारायण काफ्लेलाई सप्तरी तथा एसएसपीहरु गोपालचन्द्र भट्टराईलाई सर्लाही, सोमेन्द्रसिंह राठौरलाई पर्सा, दीपशम्शेर जबरालाई रौतहट, नवराज अधिकारीलाई चितवन र कृष्णप्रसाद पंगेनीलाई महोत्तरी खटाइएको छ ।  त्यस्तै, होबिन्द्र बोगटीलाई बारा, ज्ञानेन्द्रप्रसाद फुयाँललाई मोरङ, भुवनेश्वर तिवारीलाई धनुषा र अमरेन्द्रबहादुर सिंहलाई मधेश प्रदेशमा खटाइएको छ ।

प्रहरीले भनेको छ– ‘हालको विकसित घटनाक्रमको सुरक्षा व्यवस्थापनको लागि प्रहरी जनशक्ति तथा स्रोत साधन परिचालनको प्रभावकारीता मूल्या‌ङ्कन, नीति निर्देशन, सुरक्षा योजनाको कार्यान्वयन, सूचना संकलन तथा विश्लेषण र आवश्यकतानुसार फिल्डमा समेत खटिई सम्बन्धित प्रदेश प्रहरी कार्यालय र जिल्ला प्रहरी कार्यालयसँग समन्वय, सहजिकरण गरी समस्या तथा गुनासो सुन्ने, परिस्थितिलाई काबू बाहिर जान नदिई समयमै स्थितिको सामान्यीकरण गर्ने र भए गरेको विवरण आवश्यकता अनुसार प्रहरी महानिरीक्षक समक्ष जाहेर गर्ने गरी प्रहरी अधिकृतहरुलाई विभिन्न प्रदेशरजिल्लाको जिम्मेवारी तोकिएको छ ।’

को कहाँ खटाइए ? 

एआईजी शिद्धीविक्रम शाह- बाँके
एआईजी हिमालयकुमार श्रेष्ठ- मधेश प्रदेश
एआईजी उमाप्रसाद चतुर्वेदी- कपिलवस्तु
एआईजी ईशवर कार्की- कोशी प्रदेश र सुनसरी
डीआईजी दिनेशकुमार आचार्य- सिराहा 
डीआईजी अबिनारायण काफ्ले- सप्तरी
एसएसपी- गोपालचन्द्र भट्टराई- सर्लाही
एसएसपी सोमेन्द्र सिंह राठौर- पर्सा
एसएसपी दीप शम्शेर जबरा- रौतहट
एसएसपी नवराज अधिकारी- चितवन
एसएसपी कृष्णप्रसाद पंगेनी- महोत्तरी
एसएसपी होबिन्द्र बोगटी- बारा
एसएसपी ज्ञानेन्द्र प्रसाद फुयाँल- मोरङ
एसएसपी भुवनेश्वर तिवारी- धनुषा
एसएसपी अमरेन्द्रबहादुर सिंह- मधेश