कोशीका मुख्यमन्त्री परिवर्तनको बहानामा पार्टीभित्र रडाको मच्चाइयो : योगेश भट्टराई

काठमाडौं । नेकपा (एमाले) का उपमहासचिव योगेश भट्टराईले कोशी प्रदेशका मुख्यमन्त्री परिवर्तनको विषयलाई लिएर पार्टी अध्यक्ष केपी शर्मा ओलीको निर्णय प्रक्रियामाथि सार्वजनिक रूपमा असन्तुष्टि जनाएका छन् । उनले कोशीका मुख्यमन्त्री हटाउने नाममा पार्टीभित्र अनावश्यक रडाको मच्चाइएको टिप्पणी गर्दै यस्ता विषयमा पारदर्शी र संस्थागत ढंगबाट निर्णय हुनुपर्ने बताएका छन् ।

सामाजिक सञ्जालमार्फत धारणा सार्वजनिक गर्दै भट्टराईले प्रदेश सरकारको नेतृत्व परिवर्तनजस्तो संवेदनशील विषयमा पार्टीको केन्द्रीय निकाय, सम्बन्धित प्रदेश कमिटी र संसदीय दलमा पर्याप्त छलफल नगरी अघि बढ्नु उचित नभएको बताएका छन् ।

Watch On

उनले नेकपाकाल (२०७४–२०७७) मा कर्णालीमा एमालेका वरिष्ठ नेताहरू हुँदाहुँदै मुख्यमन्त्री माओवादीलाई दिइएको, त्यसपछि पटक–पटक कांग्रेस र माओवादीबीच नेतृत्व फेरिए पनि एमालेले बहुमत जुटाइदिने भूमिकामै सीमित रहनुपरेको स्मरण गरेका छन् ।

विष्टले पछिल्लो पटक एमाले–कांग्रेस गठबन्धन बनेपछि कर्णालीको नेतृत्व एमालेले लिनुपर्ने र वरिष्ठ नेता यामलाल कँडेललाई मुख्यमन्त्री बनाउन आफूहरूले सचिवालय बैठकमै जोड दिएको उल्लेख गरेका छन् । कँडेलको नेतृत्वमा कर्णाली सरकारले बजेट निर्माण, कार्यान्वयन र सुशासनका क्षेत्रमा सकारात्मक काम गरेको भन्दै उनले अहिले कँडेल र कर्णाली प्रदेश पार्टीलाई नै ‘सजाय’ दिन खोजिएको जस्तो देखिएको टिप्पणी गरेका छन् ।

उनले बाँकी प्रदेशका मुख्यमन्त्रीहरू यथावत राखेर केवल कोशी प्रदेशमा नेतृत्व परिवर्तनको विषयलाई लिएर विवाद सिर्जना गर्नुको औचित्यमाथि पनि प्रश्न उठाएका छन् । कसैलाई मुख्यमन्त्री बनाउनु परे स्पष्ट कारण र तर्कसहित पार्टीका सम्बन्धित निकायमा छलफल गरेर निर्णय गर्न सकिने भए पनि ‘साटासाट, ठोकाठोक र शक्तिको भाषा’ प्रयोग गरिएको उनको आरोप छ ।

‘एउटाका लागि एउटा मापदण्ड र अरूका लागि फरक–फरक मापदण्ड किन? प्रदेश सरकार र मुख्यमन्त्रीको विषय गिजोलेर के पौरखा गर्न खोजिएको हो?,’ भन्दै  भट्टराईले पार्टी नेतृत्वसँग प्रश्न गरेका छन् ।