जसपाको २७९ सदस्यीय केन्द्रीय समिति, उपेन्द्र अध्यक्ष र महन्थ ठाकुर संरक्षक (सूची)

काठमाडौं । जनता समाजवादी पार्टी (जसपा) नेपालले २७९ सदस्यीय केन्द्रीय समिति गठन गरेको छ। जसपाले सार्वजनिक गरेको नामावलीअनुसार महन्थ ठाकुर संरक्षक र उपेन्द्र यादव अध्यक्ष रहेका छन्।

नयाँ केन्द्रीय समितिमा शरत् सिंह भण्डारी सहअध्यक्ष तथा रकम चेम्जोङ वरिष्ठ नेता रहेका छन्। उपाध्यक्षमा उमाकान्त झा, गोविन्द चौधरी, जितेन्द्र प्रसाद सोनार, निलम बर्मा, परमेश्वर साह, राजकिशोर यादव र रेणु कुमारी यादव रहेका छन्।

Watch On

महासचिवमा प्रकाश अधिकारी, लालबाबु राउत र डा. सुरेन्द्र कुमार झा रहेका छन्। त्यस्तै जयनुल राइन, दिपक कार्की, रामप्रकाश चौधरी, रानी कुमारी तिवारी, राजकुमार राई, रेखा यादव र लिला देवी सिटौला उपमहासचिव बनेका छन्।

सचिवमा अर्जुन थापा, उमेश यादव, अनिल कुमार सिंह, उपेन्द्र महतो, कमरुद्दीन राई, मिना चौधरी, रामप्रवेश बैठा, लाक्पा शेर्पा, शैलेन्द्र प्रसाद साह, सुनी लामा र सुरेश मण्डल रहेका छन्। सुरिता कुमारी साह कोषाध्यक्ष बनेकी छन्।

पार्टीले विधानअनुसार केन्द्रीय समितिमा महिला ३३ प्रतिशत र युवा ४० प्रतिशत प्रतिनिधित्व सुनिश्चित गर्ने व्यवस्था गरेको जनाएको छ। सार्वजनिक गरिएको नामावली वर्णानुक्रमअनुसार रहेको र वरियताक्रम पछि तोकिने उल्लेख छ।

नयाँ केन्द्रीय समितिमा कार्यकारिणी समिति र साधारण केन्द्रीय सदस्यहरू पनि समेटिएका छन्। जसपाले सार्वजनिक गरेको विवरणअनुसार केन्द्रीय समितिको कुल संख्या २७९ सदस्य रहेको छ।