ग्यास अभावबारे सभामुखले राखे चासो

काठमाडौं । ग्यास अभावबारे सभामुख डिपी अर्याल (डोलप्रसाद अर्याल) ले चासो राखेका छन् ।

सभामुख अर्यालको सचिवालयले जानकारी दिएअनुसार ग्यास अभाव र बजारमा देखिएको हाहाकारबारे आइतबार उद्योगमन्त्री उद्योग, वाणिज्य तथा आपूर्ति मन्त्री गौरीकुमारी यादवसँग जानकारी लिएका थिए ।
‘सभामुखज्यूले ग्यास अभावबारे चासो राख्नुभएको छ । उपभोक्ता वर्षातमा भिज्दै लाइन लाग्नुको कारण के हो ? यो समस्याको अन्त्य कसरी गर्ने, समस्याको कारण के हो ? जानकारी लिनुभएको छ,’ सभामुखको सचिवालयले भन्यो ।

Watch On

सभामुख अर्यालले पार्टी सभापति रवि लामिछानेसँग पनि यसबारे चासो राखेका छन् ।

माग र आपूर्तिको सन्तुलन मिलाएर वितरण सहज बनाउन आवश्यक पहल लिन पनि उनले सभापतिको ध्यानकर्षण गराएका थिए ।

उद्योग मन्त्रालयका अनुसार वैशाख, जेठ, असारको तुलनाामा साउनमा ग्यास आयात उल्लेख्य बढेको छ ।

वैशाखमा ३२ हजार ०५६ मेट्रिक टन आयात भएको थियो । यसबाट २ लाख २५ हजार ७४९ वटा सिलिण्डर भरिएको थियो ।

जेठमा ३२ हजार ८४२.२९ मेट्रिक टन आयात भएर २ लाख ३१ हजार २८२ वटा सिलिण्डर भरिने मन्त्रालयले बताएको छ ।

असारमा ४४ हजार ५४४.५० मेट्रिक टन आयात भइ ३ लाख  १३ हजार ६९३ वटा सिलिण्डर भरिएकामा साउन ३० सम्म ५४ हजार ५०५ मेट्रिक टन आयात भइसकेको छ । जसबाट ३ लाख ८३ हजार ८४१ वटा सिलिण्डर भरिने मन्त्रालयले बताएको छ ।

तर पनि ग्यासमा हाहार मच्चिएको कारण मन्त्रालयले खोजी गरिरहेको छ। 

पछिल्लो समय मन्त्रालय आफै अग्रसरता देखाउँदै ग्यास वितरणमा सहजीकरण गरिरहेको जनाएको छ ।