मुख्य समाचार

कोशीमा प्रचण्डका ज्वाइँ मन्त्री बन्दै

सिधाकुरा

सोमबार, भदौ १, २०८३

विराटनगर । नेकपा संयोजक पुष्पकमल दाहाल ‘प्रचण्ड’का ज्वाइँ जीवन आचार्य कोशी प्रदेशको भौतिक पूर्वाधारमन्त्री बन्ने भएका छन्।

नेपाली कांग्रेस सरकारबाट बाहिरिएपछि नेपाली कम्युनिष्ट पार्टी (नेकपा) कोशी प्रदेश सरकारमा सहभागी हुन लागेको हो। नेकपाले सरकारमा पठाउने मन्त्रीहरूको नाम टुंगो लगाएको छ।

Watch On

मोरङका आचार्यलाई भौतिक पूर्वाधारमन्त्री बनाउने निर्णय भएको नेकपाका एक नेताले बताए। आचार्यकी पत्नी गंगा दाहाल प्रचण्डको सचिवालयको नेतृत्वमा थिइन्।

त्यस्तै, इलामकी खिनु लङ्वा लिम्बूलाई वन, पर्यटन तथा वातावरण, सोलुखुम्बुका गोम्बु शेर्पालाई आन्तरिक मामिला तथा कानुन र मोरङकी गीता तिम्सिनालाई सामाजिक विकासमन्त्री बनाइने भएको छ।

सुनसरीकी सपना परियारलाई राज्यमन्त्री बनाउने निर्णय भएको छ।

नवनियुक्त मन्त्रीहरूको सोमबार अपराह्न ३ बजे शपथ गराउने तयारी छ।

नेकपामा मन्त्री बन्न चाहने सांसदको संख्या धेरै भएपछि नाम छनोटमा ढिलाइ भएको थियो। नेकपा कोशीका इन्चार्ज तथा पूर्वमुख्यमन्त्री राजेन्द्र राई, संसदीय दलका नेता इन्द्र आङ्बो र प्रदेश अध्यक्ष हर्क नेम्वाङलाई मन्त्री छनोटको जिम्मेवारी दिइएको थियो।

यी तीन नेताबीच सोमबार बिहान भएको छलफलपछि मन्त्रीहरूको नाम टुंगो लगाइएको नेकपाले जनाएको छ।

प्रकाशित मिति: सोमबार, भदौ १, २०८३

प्रतिक्रिया दिनुहोस्

सिफारिस

फेरि किन उचाल्न खोजिँदैछ राष्ट्रवादको नारा ?

खगेन्द्र प्रकरण– कसरी पदमुक्त हुन्छन् निर्वाचित सांसद ?

हिउँदमा लोडसेडिङको जोखिम, बिजुली आपूर्ति गर्न के छ सरकारको तयारी ?

गगनले जगाउन खोजेको कांग्रेस

चोलेन्द्र प्रकरणः सरकार, प्रहरी र सर्वोच्च तरंगित

सिधाकुरा

The Reporter

Current Affairs

Sidhakura Investigation

थप मुख्य समाचार

यमनको सैन्य शिविरमा हूथी आक्रमण, १३ जनाको मृत्यु

यमनको दक्षिणी प्रान्त अल–धालियाको एक सैन्य प्रशिक्षण केन्द्र (शिविर) मा भएको हुथी ब्यालिस्टिक क्षेप्यास्त्र आक्रमणमा १३ जना सैन्य कर्मचारीको मृत्यु हुनुका साथै अन्य ६५ जना घाइते भएको सरकारी... बिहीबार, कात्तिक १९, २०८३

प्रधानमन्त्रीसँग भारतीय विदेश सचिवको भेट, भारत भ्रमणबारे छलफल

बिहीबार, कात्तिक १९, २०८३

एनपिएलमा सट्टेबाजी गर्ने युवक पक्राउ, करिब ९० लाखकाे काराेबार गरेकाे खुल्याे

काठमाडौँको कीर्तिपुरस्थित त्रिवि क्रिकेट मैदानमा सञ्चालन भइरहेको एनपिएल २०२६ मा केही व्यक्तिहरूले अनलाइन मार्फत सट्टेबाजी गर्ने/गराउने गरेको भन्ने सूचनाको आधारमा काठमाडौँ उपत्यका अपराध अनुसन्धान कार्यालयबाट खटिएको प्रहरीले उनलाई... बिहीबार, कात्तिक १९, २०८३