मुख्य समाचार

रसुवाको बाढीमा बससहित ३३ यात्रु सम्पर्कविहीन

सिधाकुरा

बुधबार, भदौ १०, २०८३

रसुवाको बाढीमा बससहित ३३ यात्रु सम्पर्कविहीन

गोरखा । गोरखाको पालुङटारबाट रसुवाको गोसाइँकुण्डतर्फ जाँदै गरेको बस रसुवामा आएको बाढीले बगाउँदा बससहित ३३ जना सम्पर्कविहीन भएका छन्।

Watch On

जिल्ला प्रहरी कार्यालय गोरखाका अनुसार पालुङटार नगरपालिका–५ ठाँटीपोखरी बजारबाट आज दिउँसो करिब २ बजे रसुवातर्फ गएको पृथ्वी यातायातको ग २ ख ११५२ नम्बरको बसमा चालक र सहचालकसहित करिब ३८ जना यात्रु सवार थिए।

बाढी आएपछि पाँच जना यात्रुले बसबाट हाम फालेर ज्यान जोगाएको र बाँकी ३३ जना यात्रु तथा बसलाई बाढीले बगाएर बेपत्ता बनाएको प्रारम्भिक जानकारी प्राप्त भएको प्रहरीले जनाएको छ।

घटनाबारे आज दिउँसो २ बजे इलाका प्रहरी कार्यालय ठाँटीपोखरीमा जानकारी प्राप्त भएको हो। बेपत्ता यात्रुको खोजी तथा घटनाको थप विवरण संकलन भइरहेको प्रहरीले जनाएको छ।

यसैबीच, सोही स्थानबाट रसुवातर्फ गएका दुई वटा विद्युतीय माइक्रोबस (ईभी) र त्यसमा सवार यात्रुहरू भने सकुशल रहेको जानकारी प्राप्त भएको छ।

बा प्र ००१–००७ ख ८२३ नम्बरको ईभी माइक्रोमा १५ जना र बा प्र ०६–००१ ख ०७७२ नम्बरको ईभी माइक्रोमा १६ जना सवार थिए। दुवै माइक्रोबसका यात्रु तथा चालकहरू सकुशल रहेको प्रहरीले जनाएको छ।

घटनाको विस्तृत विवरण आउन बाँकी रहेको छ।

प्रकाशित मिति: बुधबार, भदौ १०, २०८३

प्रतिक्रिया दिनुहोस्

सिफारिस

फेरि किन उचाल्न खोजिँदैछ राष्ट्रवादको नारा ?

खगेन्द्र प्रकरण– कसरी पदमुक्त हुन्छन् निर्वाचित सांसद ?

हिउँदमा लोडसेडिङको जोखिम, बिजुली आपूर्ति गर्न के छ सरकारको तयारी ?

गगनले जगाउन खोजेको कांग्रेस

चोलेन्द्र प्रकरणः सरकार, प्रहरी र सर्वोच्च तरंगित

सिधाकुरा

The Reporter

Current Affairs

Sidhakura Investigation

थप मुख्य समाचार

एनपिएलमा सट्टेबाजी गर्ने युवक पक्राउ, करिब ९० लाखकाे काराेबार गरेकाे खुल्याे

काठमाडौँको कीर्तिपुरस्थित त्रिवि क्रिकेट मैदानमा सञ्चालन भइरहेको एनपिएल २०२६ मा केही व्यक्तिहरूले अनलाइन मार्फत सट्टेबाजी गर्ने/गराउने गरेको भन्ने सूचनाको आधारमा काठमाडौँ उपत्यका अपराध अनुसन्धान कार्यालयबाट खटिएको प्रहरीले उनलाई... बिहीबार, कात्तिक १९, २०८३