समाज

भोटेकोशी बाढीः ५३८ शव फेला, ९७७ अझै सम्पर्कविहीन

सिधाकुरा

शुक्रबार, भदौ १२, २०८३

भोटेकोशी बाढीः ५३८ शव फेला, ९७७ अझै सम्पर्कविहीन

काठमाडौँ । भोटेकोशी बाढीका कारण मृत्यु हुनेको संख्या ५३८ पुगेको छ ।

Watch On

राष्ट्रिय विपद् जोखिम न्यूनीकरण तथा व्यवस्थापन प्राधिकरणले सार्वजनिक गरेको आज दिउँसो ३ बजेसम्मको तथ्यांक अनुसार विभिन्न जिल्लामा गरी ५३८ शव फेला परेको हो ।

प्राधिकरणका अनुसार रसुवामा १२१, नुवाकोटमा ३७, धादिङमा ३३, गोरखामा ४६, नवलपरासी पूर्वमा १३४, नवलपरासी पश्चिममा २७, तनहुँमा २८ र चितवनमा २२१ शव फेला परेको छ ।

बाढीमा परेर अहिलेसम्म ९७७ जना सम्पर्कविहीन रहेको पनि प्राधिकरणले जनाएको छ । २८ जना प्रहरी, ४५ जना नेपाली सेना, १३ जना सशस्त्र प्रहरी, भन्सार कार्यालयका १५ कर्मचारी, अध्यागमन कार्यालयका ४ कर्मचारी सम्पर्कविहीन छन् । सम्पर्कविहीनको सूचीमा विदेशी नागरिकको संख्या ५१७ छ भने नेपाल घुम्न आएका विदेशमा बस्ने नेपालीको संख्या १२७ छ ।

अहिलेसम्म रसुवाबाट ४३, धादिङबाट ३ र नुवाकोटबाट २७ जना घाइतेको उद्धार गरिएको छ ।

बाढी प्रभावित क्षेत्रमा खोजी तथा उद्धारका लागि नेपाल प्रहरी, सशस्त्र प्रहरी र नेपाली सेनाका गरी १४ हजार ८ सय २९ सुरक्षाकर्मी परिचालन गरिएको छ । यसबीचमा ३ हजार ७४२ जनाको उद्धार गरिएको पनि प्राधिकरणले जनाएको छ ।

प्रकाशित मिति: शुक्रबार, भदौ १२, २०८३

प्रतिक्रिया दिनुहोस्