ट्रम्प र भान्समाथि अल-सयदको व्यङ्ग्य: 'जेडी हबीबी, जनवरीमा मलाई शपथ खुवाउने तिमी नै हौ'

न्युयोर्क । प्रगतिशील डेमोक्रेट उम्मेदवार अब्दुल अल-सयदले मिसिगनको खुला सिनेट सिटको कडा प्रतिस्पर्धामा रिपब्लिकन उम्मेदवार माइक रोजर्सलाई पराजित गरेका छन् । सयद इजिप्टियन आप्रवासीका छोरा हुन् र उनी अमेरिकाको इतिहासमै पहिलो मुस्लिम सिनेटर बनेका छन् ।

Watch On

अमेरिकी राष्ट्रपति र उपराष्ट्रपतिको प्रहारका बीच जितेर इतिहास रचेका सयदले डिट्रोइटस्थित चुनावी कार्यालयमा जम्मा भएका सयौँ समर्थकलाई सम्बोधन गर्दै चुनावी प्रचारका क्रममा आफूलाई निरन्तर आलोचना गर्ने अमेरिकी उपराष्ट्रपति जेडी भान्स र राष्ट्रपति डोनाल्ड ट्रम्पमाथि व्यंग्य गरेका छन् । 

विशेषगरी ट्रम्पले उनलाई इस्लामविरोधी (इस्लामोफोबिक) आक्रमणको निशाना बनाएका थिए र उनको अरबी नामको उपहास उडाएका थिए । ट्रम्पले उनलाई 'जिहादी'सम्म भनेका थिए ।

उपराष्ट्रपतिलाई भने,  जेडी, हबीबी

अल-सयद र उपराष्ट्रपति जेडी भान्सबीच चुनावी प्रचारका क्रममा महिनौँसम्म वाक्युद्ध (भनाभन) चलेको थियो । आफ्नो पार्टीको उम्मेदवार रोजर्सको पक्षमा प्रचारप्रसार गरेका भान्सले अल-सयदलाई 'अत्यन्तै, अत्यन्तै दुष्ट' भनेका थिए ।

जवाफमा सयद भने, 'जेडी, हबीबी, यो एउटा अनौठो विडम्बना हो—तिमी आउँदो जनवरीमा मलाई संवैधानिक रूपमा शपथ ग्रहण गराउन बाध्य छौ ।'

उपराष्ट्रपति जेडी भान्सलाई 'हबीबी' भनेपछि चर्चाको विषय बनेको छ । 

चुनावी अभियानका क्रममा आफ्नो नाम र धर्मलाई लिएर निसाना बनाइएका अल-सयदले अरबी भाषाको एक स्नेही शब्दलाई व्यङ्ग्यको रूपमा प्रयोग गरेका हुन् । अल-सयदले भने, 'जेडी, हबीबी! आउँदो जनवरीमा तिमीले नै मलाई संवैधानिक रूपमा सपथ ग्रहण गराउनुपर्ने बाध्यता छ, यो भन्दा मीठो व्यङ्ग्य अरू के हुन सक्छ र!'

अरबी शब्द 'हबीबी'को शाब्दिक अर्थ 'मेरो माया' 'मेरो प्रिय', 'प्यारो' वा 'प्रियजन' भनेर बुझिन्छ । साथीभाइ, प्रेमी-प्रेमिका वा परिवारका सदस्यहरूलाई मायाले बोलाउन यो शब्द प्रयोग गरिन्छ ।