समाज

नेपालका बाढी पीडितका लागि इन्भिडियाका सीईओ जेन्सेनको डेढ अर्ब सहयोग

सिधाकुरा

शुक्रबार, भदौ १९, २०८३

नेपालका बाढी पीडितका लागि इन्भिडियाका सीईओ जेन्सेनको डेढ अर्ब सहयोग

काठमाडौँ । अमेरिकी टेक कम्पनी इन्भिडियाका प्रमुख कार्यकारी अधिकृत (सीईओ) जेन्सेन हुआङले नेपालका बाढी पीडितलाई १ करोड अमेरिकी डलर अर्थात डेढ अर्ब रुपैयाँ सहयोग गरेका छन् ।

Watch On

अर्थमन्त्री डा. स्वर्णिम वाग्लेकाअनुसार रसुवा जिल्लास्थित भोटेकोशी नदीमा आएको विनाशकारी बाढीबाट प्रभावितहरूका लागि सहयोगस्वरूप हुआङले प्रधानमन्त्री दैवी प्रकोप उद्धार कोषमा १ करोड अमेरिकी डलर सहयोग प्रदान गरेका हुन् ।

इन्भिडियाका संस्थापक तथा प्रमुख कार्यकारी ह्वाङको उक्त ठूलो योगदानप्रति आभार व्यक्त गर्दै अर्थमन्त्री वाग्लेले यस सहयोगसँगै प्रधानमन्त्री दैवी प्रकोप उद्धार कोषमा सङ्कलित कुल रकम १० अर्बभन्दा बढी नाघेको जानकारी दिए ।

'नेपाल सरकारका तर्फबाट म जेन्सेन ह्वाङलाई प्रधानमन्त्री दैवी प्रकोप उद्धार कोषमा १ करोड डलर सहयोग गर्नुभएकोमा हार्दिक कृतज्ञता व्यक्त गर्दछु," अर्थमन्त्री वाग्लेले एक भिडियो सन्देशमार्फत भनेका छन्, 'कुनै पनि परोपकारी मापदण्डबाट महत्त्वपूर्ण मानिने यो ठूलो सहयोगले अन्य धेरै व्यक्ति तथा संस्थाहरूलाई पनि यस महान् कार्यमा योगदान पुर्‍याउन प्रेरणा दिनेछ भन्ने मैले आशा लिएको छु।'

प्रकाशित मिति: शुक्रबार, भदौ १९, २०८३

प्रतिक्रिया दिनुहोस्