समाज

बाढीले क्षतिग्रस्त रसुवामा ७८ प्रतिशत र नुवाकोटमा ९६ प्रतिशत ठाउँमा बिजुली पुग्यो

धादिङमा सम्पूर्ण क्षेत्रमा विद्युतीकरण

सिधाकुरा

आइतबार, भदौ २१, २०८३

बाढीले क्षतिग्रस्त रसुवामा ७८ प्रतिशत र नुवाकोटमा ९६ प्रतिशत ठाउँमा बिजुली पुग्यो

काठमाडौँ । भोटेकोशी नदीमा आएको विनाशकारी बाढीका कारण विद्युत् पूर्वाधारमा ठूलो क्षति पुग्दा विद्युत् अवरुद्ध हुन पुगेका रसुवा र नुवाकोटमा ऊर्जा, जलस्रोत तथा सिँचाइ मन्त्रालयले विद्युत् आपूर्ति पुन:सूचारु गर्ने कार्यलाई उच्च प्राथमिकताका साथ अगाडि बढाएको छ ।

Watch On

ऊर्जा मन्त्रालयका सहायक प्रवक्ता शालिग्राम भण्डारीकाअनुसार प्रतिकूल मौसमका बाबजुद सार्वजनिक बिदाका दिनमा समेत अहोरात्र खटेर नेपाल विद्युत् प्राधिकरणबाट विनाशकारी बाढीका कारण विद्युत् सेवा बन्द भएको क्षेत्रमा विद्युत् सेवा सूचारु गर्ने काम निरन्तर भइरहेको छ ।

बाढीका कारण क्षति पुगेका रसुवा, नुवाकोट र धादिङ जिल्लामध्ये रसुवामा करिब ७८ प्रतिशत र नुवाकोटमा करिब ९६ प्रतिशत विद्युतीकरण सम्पन्न भएको छ भने धादिङमा पनि करिब सम्पूर्ण क्षेत्रमा विद्द्युतीकरण भइसकेको छ ।

बाँकी विद्युतीकरण हुन नसकेका स्थानहरुमा वैकल्पिक ऊर्जा प्रवर्द्धन केन्द्रमार्फत सोलार टुकी लगायत तत्काल उपलब्ध गराउन सकिने वैकल्पिक ऊर्जाका साधनहरु उपलब्ध गराई विद्युत् सेवाको पहुँच सुनिश्चित गर्ने कार्य भइरहेको सहायक प्रवक्ता भण्डारीले बताए ।

प्रकाशित मिति: आइतबार, भदौ २१, २०८३

प्रतिक्रिया दिनुहोस्