सरकारी गाडीसहित क्लार्ककाे क्यासिनो पुगेका सखुवाप्रसौनीका अध्यक्ष जसवन्त यादव पक्राउ

पर्सा । पर्साको सखुवाप्रसौनी गाउँपालिकाका अध्यक्ष जसवन्त यादव सरकारी सवारीसाधनसहित वीरगंजस्थित क्यासिनो पुगेको अवस्थामा पक्राउ परेका छन् ।

Watch On

शनिबार राति जिल्ला प्रहरी कार्यालय पर्साले सञ्चालन गरेको विशेष अप्रेसनका क्रममा वीरगंजको गण्डकस्थित क्लार्क रिसोर्ट होटलमा रहेको क्यासिनोबाट अध्यक्ष यादवसहित आठ जनालाई नियन्त्रणमा लिइएको प्रहरीले जनाएको छ । 

प्रहरीले क्यासिनो परिसरबाट सखुवाप्रसौनी गाउँपालिकाको ना.१ झ १६८७ नम्बरको स्कोर्पियो समेत नियन्त्रणमा लिएको छ ।

प्रहरीका अनुसार पक्राउ परेकामध्ये अध्यक्ष यादवसहित क्यासिनोका कर्मचारीहरूको पहिचान तथा घटनासम्बन्धी थप अनुसन्धान भइरहेको छ । सरकारी जिम्मेवारीमा रहेका जनप्रतिनिधि सरकारी सवारीसाधनसहित क्यासिनो परिसरमा भेटिएपछि घटनालाई गम्भीर रूपमा लिएर अनुसन्धान अघि बढाइएको प्रहरीको भनाइ छ । 

जिल्ला प्रहरी कार्यालय पर्साका डीएसपी चक्रबहादुर मल्लले घटनाबारे आइतबार प्रेस विज्ञप्तिमार्फत विस्तृत विवरण सार्वजनिक गरिने जानकारी दिएका छन् । नेपालमा नेपाली नागरिकलाई क्यासिनोमा प्रवेश तथा जुवा खेल्न कानुनी प्रतिबन्ध छ ।

नेपालको कानुन अनुसार क्यासिनोमा नेपाली नागरिकको प्रवेश र जुवा खेल्न पूर्ण प्रतिबन्ध छ। 

क्यासिनोमा नेपाली नागरिक जुवा खेलिरहेको अवस्थामा पक्राउ पर्दा मुलुकी अपराध संहिता, २०७४ (दफा १२५ - जुवा खेल्न वा खेलाउन नहुने) अनुसार कारवाही हुन्छ । 

जनप्रतिनिधिको हकमा के हुन्छ ?
◦ ​पहिलो पटक जुवा खेल्नेलाई: ३ महिनासम्म कैद वा ३० हजार रुपैयाँसम्म जरिबाना वा दुवै सजाय।
◦ ​दोस्रो पटक जुवा खेल्नेलाई: १ वर्षसम्म कैद र ५० हजार रुपैयाँसम्म जरिबाना।
◦ ​त्यसपछिको प्रत्येक पटक: थप ३ वर्षसम्म कैद र ३० हजार रुपैयाँसम्म जरिबाना।
◦ ​सम्पत्ति जफत: जुवा खालबाट बरामद भएको सम्पूर्ण नगद रकम, चिप्स तथा जुवा खेल्न प्रयोग गरिएका सामग्रीहरू कानुनतः जफत हुन्छन्।
•  ​क्यासिनो नियमावली तथा पर्यटन ऐन:
◦ ​नेपालीलाई प्रवेश दिने क्यासिनो सञ्चालक तथा व्यवस्थापनमाथि लाइसेन्स खारेजी, जरिबाना तथा मतियारका रूपमा कानुनी कारबाही अघि बढ्छ।
​२. जनप्रतिनिधिको हकमा के हुन्छ ?
* ​समान कानुनी दायित्व: जुवा सम्बन्धी फौजदारी कसुरमा जनप्रतिनिधिलाई कुनै विशेष उन्मुक्ति हुँदैन; सामान्य नागरिक सरह नै मुलुकी अपराध संहिता बमोजिम पक्राउ, म्याद थप र मुद्दा दायर हुन्छ।
* ​थुनामा रहँदाको अवस्था: प्रहरी हिरासतमा रहेको समयमा जनप्रतिनिधिले आफ्नो पदीय हैसियत र अधिकार प्रयोग गर्न पाउँदैनन्।
•  ​पद निलम्बन तथा पदमुक्तिका आधार (स्थानीय सरकार सञ्चालन ऐन, २०७४):
◦ ​अदालतमा मुद्दा दायर भई पुर्पक्षका लागि थुनामा पठाइएमा पद स्वतः निलम्बनमा पर्छ।

यद्यपि, अध्यक्ष यादव क्यासिनोमा कुन प्रयोजनले पुगेका थिए त्याे भने खुलेको छैन् ।