समाज

नदी किनारका जोखिमयुक्त बस्ती सार्ने सरकारको योजना, मन्त्री रावलले ल्याइन् विधेयक

सिधाकुरा

आइतबार, भदौ २१, २०८३

नदी किनारका जोखिमयुक्त बस्ती सार्ने सरकारको योजना, मन्त्री रावलले ल्याइन् विधेयक

काठमाडौँ । सरकारले जोखिमयुक्त स्थानको बसोबास सार्ने दिर्घकालीन योजना सार्वजनिक गरेको छ ।

Watch On

भोटेकोशी बाढीले नदी किनारका सबै बस्ती बगाएपछि नागरिकको जिउधन र सुरक्षित बसोबासको लागि सरकार यो निष्कर्षमा पुगेको हो ।

भूमि व्यवस्था, सहकारी, सङ्‍घीय मामिला तथा सामान्य प्रशासन मन्त्रालयले जोखिमयुक्त स्थानको बसोबास सार्ने योजनालाई कानुनी आधार दिन नयाँ विधेयक ल्याएको हो ।

भूमिमन्त्री प्रतिभा रावलले संसदमा दर्ता गर्ने तयारी गरेको भूमि सम्बन्धी केही नेपाल ऐनलाई संशोधन गर्न बनेको विधेयकको मस्यौदामा जोखिमयुक्त स्थानको बस्ती सार्नेसम्बन्धी व्यवस्था प्रस्ताव गरिएको छ ।

‘नदी किनार, ताल तलैयाको किनार, राष्ट्रिय निकुञ्ज, आरक्ष, वन क्षेत्र, सडकको मापदण्डभित्र वा अन्य जोखिमयुक्त स्थानमा बसोवास गरिरहेका भूमिहीन दलित वा भूमिहीन सुकुम्बासीलाई अन्यत्रै बसोबासको व्यवस्था मिलाउनु पर्नेछ’ मस्यौदामा भनिएको छ ।

अहिले यो विधेयकको मस्यौदा सर्वसाधारणको सुझाव लिनका लागि सार्वजनिक गरिएको छ । सुझावको आधारमा विधेयक टुंग्याएर संसदमा दर्ता गरिनेछ । संसदले पारित गरेपछि कानुन बन्नेछ । त्यसपछि जोखिमयुक्त बस्तीहरु सार्ने योजना कार्यान्वयनमा आउनेछ ।

प्रकाशित मिति: आइतबार, भदौ २१, २०८३

प्रतिक्रिया दिनुहोस्