भोटेकोशी बाढीपछि हराइरहेका बाँकेका १६ आफन्तको डिएनए सङ्कलन

राँझा (बाँके)  । रसुवाको भोटेकोशी बाढीपछि हराइरहेका वा ज्यान गुमाएका व्यक्तिको शव पहिचानका लागि बाँकेका १६ जना आफन्तको डिएनए नमूना सङ्कलन गरिएको छ।

Watch On

रसुवा, भोटेकोशी तथा त्रिशूली करिडोरमा आएको विनाशकारी बाढीका कारण बाँकेका धेरै व्यक्ति बेपत्ता भएका छन्। बाढीमा फेला परेका कतिपय शव क्षतविक्षत भएकाले पहिचान गर्न कठिन भएपछि आफन्तको डिएनए नमूना सङ्कलन गरिएको जिल्ला प्रहरी कार्यालय बाँकेका प्रहरी नायब उपरीक्षक प्रतित सिंह राठौरले जानकारी दिए।

उनका अनुसार नेपालगञ्जमा सम्पर्कमा आएका १६ जना आफन्तको भेरी अस्पतालमा डिएनए नमूना सङ्कलन गरिएको हो। अन्य आफन्तको काठमाडौँ र चितवनस्थित अस्पतालमा नमूना सङ्कलन गरिएको छ।

डिएनए परीक्षणका लागि बेपत्ता व्यक्तिका पहिलो तहका नातेदार बाबु, आमा, छोरा वा छोरीको ताजा रगतको नमूना सङ्कलन गरी नेपाल प्रहरीको केन्द्रीय विधि विज्ञान प्रयोगशालामा पठाइएको छ।

शव पहिचानका लागि डिएनए परीक्षण गर्न नमूना पठाएपछि बाढीमा बेपत्ता दाजु–भाउजू र छोराको शव पहिचान हुनेमा आफू आशावादी रहेको नेपालगञ्ज–२० निवासी अनलाल रोकायले बताए।

भोटेकोशीमा आएको बाढीपछि उनका १९ वर्षीय एक्लो छोरा दीपक, ५३ वर्षीय दाजु शेरसिंह र ५६ वर्षीया भाउजू विष्णुमती एकैसाथ बेपत्ता भएका छन्।

रसुवाको भोटेकोशी बाढीपछि बाँकेका २३ जना अझै बेपत्ता छन्। हालसम्म तीनजनाको शव सनाखत भई मृत्यु घोषणा गरिएको छ भने ३२ जनाको सकुशल उद्धार गरिएको बाँकेका प्रमुख जिल्ला अधिकारी दिलकुमार तामाङले जानकारी दिए।

उनका अनुसार भोटेकोशी नदीमा आएको विनाशकारी बाढीबाट प्रभावित नागरिकको उद्धार, राहत तथा पुनःस्थापनाका लागि बाँकेबाट प्रधानमन्त्री दैवी प्रकोप उद्धार कोषमा २४ लाख ३७ हजार २७४ रुपैयाँ सहयोग जम्मा भएको छ। विभिन्न २१ सङ्घसंस्था, विद्यालय, व्यावसायिक प्रतिष्ठान तथा व्यक्तिले स्वस्फूर्त रूपमा उक्त रकम सहयोग गरेका हुन्।

बाँकेबाट सबैभन्दा ठूलो सहयोग नेपालगञ्ज उद्योग वाणिज्य सङ्घले ६ लाख एक हजार रुपैयाँ गरेको छ। नेपाल ज्वेलर्सबाट दुई लाख ११ हजार रुपैयाँ तथा विभिन्न मस्जिदबाट सङ्कलित रकम पनि उल्लेख्य रहेको छ।

जिल्ला प्रशासन कार्यालयमा उपलब्ध सहयोग