कांग्रेस कार्यसम्पादन समिति बैठक आज बस्दै

काठमाडौँ । नेपाली कांग्रेसको केन्द्रीय कार्यसम्पादन समिति बैठक बस्दैछ । 

Watch On

आज दिउँसो १ बजे पार्टी कार्यालय सानेपामा बस्ने बैठकमा आगामी महाधिवेशनबारे छलफल हुने बताइएको छ । 

यसअघि आइतबार बसेको बैठकले पार्टीको १५औँ महाधिवेशनसहित समसामयिक विषयमा निर्णय गरेको थियो । 

बैठकले भोटेकोशी बाढीबाट प्रभावित नागरिकको उद्धार, राहत तथा पुनर्निर्माणमा पार्टीका तर्फबाट थप सहयोग गर्ने निर्णय गरेको छ । कांग्रेस प्रवक्ता देवराज चालिसेका अनुसार विपत् प्रभावित क्षेत्रमा पार्टीका संरचना तथा भ्रातृ संगठनलाई थप परिचालन गरिनेछ । साथै, बाढीपहिरो व्यवस्थापनका लागि सरकारलाई आवश्यक सुझाव दिने निर्णय पनि बैठकले गरेको छ ।

बाढीपहिरोका कारण प्रभावित क्षेत्रमा राहत तथा उद्धारलाई प्राथमिकता दिनुपर्ने भन्दै कांग्रेसले आगामी भदौ २४ गते तय गरिएको वडा अधिवेशनको मिति पुनर्विचार गर्न माग गरेको छ ।

यस्तै, प्रधानमन्त्री बालेन्द्र शाहले संयुक्त राष्ट्रसंघको महासभामा नेपालका तर्फबाट उठाउने विषयमा कांग्रेसले आवश्यक सुझाव दिने निर्णय गरेको छ ।

महाधिवेशनका सन्दर्भमा सदस्यता नवीकरण गरेका तर विवरण अध्यावधिक गर्न छुटेका सदस्यलाई समेत महाधिवेशनमा सहभागी गराउने निर्णय बैठकले गरेको छ । प्रवक्ता चालिसेका अनुसार यो व्यवस्था अनुशासन उल्लंघन गरेका, पार्टी परित्याग गरेका वा निधन भएका व्यक्तिका हकमा भने लागू हुनेछैन ।